مجدي حسين هو الشرعية

الله اكبر.. يحيا الشعب.. مجدي حسين هو الشرعية.. مجدي حسين هو الهوية..- مجدي حسين رئيس الحزب.. ومافيش غيره رئيس للحزب.. حزب العمل للشرفاء.. مش لشوية عملاء.. بقالنا سنين جريدة وحزب جبتوا الحزب الثانى منين.. لجنة أحزاب لجنة أحزاب.. التجميد كان له أسباب.. علشان قولنا كلمة حق.. علشان قولنا لحسنى لا علشان قولنا لفاروق لا.. علشان قولنا لحيدر لا.. علشان قولنا لوالى لا.. علشان قولنا لذكى لا.. علشان قولنا كلمة حق.. علشان قولنا كلمة لا.. كلمة ايوه حلوة صحيح.. لكن الاحلى كلمة لا.. لجنة احزاب لجنة أحزاب.. هى دى بعض الأسباب.. وادى مفهومهم للحرية حزب مناضل يبقى مطيه.. وادى مفهومهم للتغيير.. منع جريدة وحزب كبير.. من اصحابه الشرعيين.. من اصحابه الحقيقيين.. علىّ و علىّ و علىّ الصوت.. ده اللى بهتف مش هيموت.. جعفرى جعفرى جعفرى مين.. اصغر كلب لامن الدولة.. لجنة احزاب لجنة احزاب.. هى دى بعض الاسباب.. علشان إحنا حزب شريف.. علشان احنا حزب مناضل.. علشان لينا طابع اسلامى.. علشان مجدي حسين مش خاين.. ولا يعرف يكدب ويداهن.. ولا يعرف يمدح وينافق.. علشان قالها صريحة قوية.. علشان مجدي حسين اسلامى.. مش علمانى ولا يسارى.. علشان قال لمبارك لا علشان قال لنظامه لا.. علشان قال للظالم لا.. علشان مجدي صوت الحق.. "خايفين ليه من صوت الحق" علشان مجدي مش هتيف.. علشان مجدي شريف ونظيف.. علشان رافض للتطبيع.. علشان رافض للتبعية.. علشان مجدي مارد عملاق.. فى زمن الأقزام والعملاء.. علشان مجدي مولود حر.. وبرضه أبوه احمد كان حر.. لجنة أحزاب لجنة احزاب.. هى دى بعض الأسباب.. حزب العمل طالع طالع .. من المزارع والمصانع.. اعتقلونى اعتقلوني.. مش هتشوفوا الخوف فى عيوني.. أسئلوا سور السجن يقول مجدي حسين ده رئيس الحزب.. وما فيش غيره رئيس للحزب.. مجدي حسين هو الشرعية.. مجدي حسين هو الهوية.. جعفرى جعفرى جعفرى مين .. اصغر كلب لأمن الدولة..
من ياسر فؤاد أحمد إلى الأستاذ الفاضل المجاهد والمفكر الإسلامي العظيم رئيس حزب العمل ورئيس تحرير الشعب/ مجدي أحمد حسين.. حفظه الله من كل سوء