على طريقة عمرو الليثى| شاهد سائق توك توك لأحمد موسى: البلد زى الفل ومفيش مشاكل و"أوعى تقطع جزء من كلامى"

على طريقة التضليل التى يتبعها أمنجية عباس كامل فى الإعلام المصرى، قام الأمنجى أحمد موسى، المعروف بولائه الكامل للانقلاب العسكرى، بتسجيل فيديو مع أحد سائقى التكاتك، بنفس الطريقة التى سجل بها الإعلامى عمرو الليثى منذ أسابيع قليلة وهو فيديو لاقى شهرة واسعة من سائق توك توك فضح العسكر.
وقال سائق "التوك توك" خلال برنامج "على مسئوليتي" المذاع على فضائية "صدى البلد"، عن الأزمات الحالية :"البلد زي الفل وفيها فلوس وكل حاجة حلوة .. وكل الناس معاها فلوس، متمسكش في السكر.. وكمان الخضار موجود والفاكهة موجودة وكل حاجة موجودة ".
وأضاف "والله العظيم ما فيه أزمات في مصر بلدنا بخير، إمبارح الميه اتعكرت قالوا السيسي اللي عكرها، ربنا مبارك في كل حاجة بس نتقي ربنا مع بعضنا إحنا اللي بنعمل الأزمة".
وتابع :"مين اللى عامل الأزمة، مفيش أزمة ولا أي حاجة.. والناس هي اللى عاملة الأزمة.. والناس معندهاش قناعة، ولكن البلد كلها خير وفلوس ".