مؤيدوا السيسي... إلى أين؟

هذا هو حال كل من وقف مع الانقلاب، ودعمه اليوم، الآن يحصدون ما زرعوا ، وهذا تصديق لقوله تعالى في سورة هود: ( ولا تركنوا إلى الذين ظلموا فتمسكم النار ) فهذه، هي الحقيقة التي ذكرت في القرآن الكريم، أن من وقف بجانب الظالم ودعمه سوف ينكوي بناره، وهذه (حالة) وقفت مع قائد الانقلاب عبدالفتاح السيسي ودعمته بالمال لدرجة أنه باع ذهب زوجته، والآن يقول مش عارف ( أوكل عيالي ).

فهذه نهاية كل من وقف مع الظالم والآن يشرب من نفس كأس الظلم، فهذا مواطن يتصل ب (وائل الإبراشى) ويقول له " بعت دهب مراتي عشان السيسي ودلوقت مش عارف أوكل عيالي "، وانتقد المواطن الذي يدعى "أحمد" الأوضاع الاقتصادية في مصر مطالبًا بإقالة جميع أعضاء مجلس النواب وتغيير اسم المجلس إلى "مجلس الشعب" لكي يكون معبرًا عن المواطن . وقال المواطن المذكور في مداخلة مع برنامج العاشرة مساءً، الذي يقدمه الإعلامي وائل الإبراشي: "الأستاذ عاطف اللي بيقولك استحمل ، أنا عندي 3 أطفال كلهم في مدارس وأنا راجل مستورد وأقسم لك بعزة جلال الله إني أنا من قبل شهر رمضان ما دخل بيتي جنيهاًواحداً ووقفت البضاعة بتاعتي وربنا ينجينا من البلد دي ، وبقول للأستاذ عاطف أنا لسه جايب ب3 جنيه عيش فينو و 4 زبادي ونصف لتر لبن و شيبسي وحلويات للعيال ب37 جنيه ". وأضاف: "أطالب بإقالة الحكومة الفاشلة اللي خلت الدولار ضرب الجنيه غرقه ، وفي كارثة تانية أن الجمارك المصرية بتحاسبك على سعر الدولار البنكي يعني لو جايبين حاوية ب100 ألف جنيه ولما الدولار في البنك يبقى ب14 جنيه يبقى الحاوية دي هتبقى ب140 ألف جنيه .. مين اللي هيدفع الزيادة في سعر الحاوية؟ الشعب". وأردف: "أنا واحد من الناس خلاص .. كنت عايز أربي عيالي بالحلال بس للأسف الشديد بنتي اللي في تالتة إعدادي بتقولي أنا مش عايزة أعيش في مصر لأنها بتغرق الشباب، والتعليم، والصحة فاشلين ومفيش حاجة في الدولة عدلة ..
ده شقة الطعمية ب2 جنية ردًا على الأستاذ اللي بيقولك تقدر تعيش بجنية في اليوم " .. مضيفًا: "أنا راجل من مؤيدي الرئيس السيسي وأيام ثورة 30 يونيو بعت الدهب بتاع مراتي وعملتله 3000 تيشيرت مكتبتش عليهم اسمي حتى عشان عايز مصر تقوم .. ودلوقت أنا بقوله يا سيادة الريس أنا مخدتش منك حاجة .. أنت كده بتخليني أسيب عيالي وأهج من مصر .. بحملك ياريس أنت وحكومتك لو عيالي جرالهم حاجة .. وأنا كان نفسي أعلمهم تعليم كويس يطلعوا يخدموا بلدهم بس للأسف أصبحت الدولة المصرية الشمال فيها اللي ماشي". وتابع: "أنا يا ريس هقولهالك على الهوا ومستعد للمساءلة ، ياريس أنا بعد 2011 لو كنت عايز أطلع بصاروخ كنت طلعت بس للأسف خفت الله في عيالي، وعيالك بس للأسف فيه ناس باعوا ضميرهم ودخلوا البرشام والمخدرات .. ياريس مركب الهجرة غيرالشرعية دي هي نفس المراكب اللي دخلت مخدرات وسلاح .. ياريس حس بينا .. أنا لما انتخبتك وبعت دهب مراتي كنت عايز أعلم عيالي .. وأنت كدة بتخليهم ينحرفوا .. ياريس الناس بتموت .. والله فيه ناس في الأرياف ما لاقيه تاكل ".