رسالة عاجلة إلى "السيسى"| انا عندى حرية وانتا عندك سجن

الناشط حمدى قشطة يهدى العكسر رسالة من محبسة

تناول رواد مواقع التواصل الإجتماعى، فيسبوك وتويتر، رسالة الناشط السياسى، والقيادى بحركة 6 أبريل، حمدى قشطة، التى وجهها إلى السيسى والعسكر، من داخل محبسه بمعسكر الأمن المركزي في الكيلو "عشرة ونصف"، يقول فيها "أنا عندي حرية وأنت ما عندكش غير سجن"، مشيرًا إلى ابنته "حرية" التي رُزق بها وهو داخل حبسه، وبالرغم من أنه كتب لطفلته رسالته هذه يوم الإثنين الرابع من يوليو إلا أنها لم تظهر إلى النور إلا اليوم.
عندى حرية وانتا عندك سجن

وأضاف قشطة، في رسالته، "رغم سجنك وقهرك لكن عندي حرية، رغم الإحساس اللى مفيش أصعب ولا أقسى منه بأنك ابنك او بنتك تتولد ومتقدرش تشوفها وتشيلها، ورغم كمية القهر اللي حسيت بيها وإني للحظات حسيت بالضعف وإني طيب أعمل إيه؟".
وأكد قشطة في رسالته، أنه سيربي ابنته على عدة أشياء أهمها أن صوتها ثورة وليس عورة، وسيخبرها عن الشهيد سيد وزة وأعمامها من المعتقلين والمعتقلات كما جاء في رسالته.
وجاء نص الرسالة كالآتى:
"بسم الله الرحمن الرحيم بالضحكه نبدأ و بفرحة العيد وعياط حرية أولاً: الله يبارك فيكم وعقبالكم كلكم وأحب أبلغ الباشا إنى عندي حرية آه والله عندي حرية.. رغم سجنك وقهرك لكن عندي حرية، رغم الإحساس إللي مفيش أصعب ولا أقسى منه بأنك ابنك او بنتك تتولد ومتقدرش تشوفها وتشيلها، ورغم كمية القهر اللي حسيت بيها و إني للحظات حسيت بالضعف وإني طيب أعمل إيه؟ و إحساسي بقلة الحيلة إلا إنه بمجرد علمي بوصول حرية بسلامة و أنا فعلاً حسيت بالحرية رغم السجن يا باشا أنا عندي حرية (ايموشن بيطلع لسانه) :-P و هعلمها إن صوتها ثورة مش عورة، هحفظها شكل عمها سيد وزة و هبلغها هو مات ليه و إزاي، هعملها إزاي تتعلم من طنتها سناء الثورة و الحق هحكيلها عن كل اعمامها و عماتها اللي في المعتقلات و اللي بره واقفين جنب المعتقلين و المعتقلات... يا باشا و يا بيه والله المستقبل بتاعنا و كله حرية انا عندي حرية و انتوا معندكش غير سجن ثانياً: كل سنة و أنتم طيبين و عيد سعيد و لازم تعرفوا و بلغوا كل اهالينا إننا بنحس بفرحة العيد لما انتم برا بتعيدوا إحنا جوا هنعيد، و هننفخ بلالين كتير في السجن، و هنغني العيد فرحة، و هنعمل برامج منوعات جوا ... كفاية إننا هنعمل إعلام صادقون اكيد برضه هنعمل إعلان لأم حسين و هي بتدي حلقها لنبطشي الحبس عشان نجيب كحك العيد غيروا ?#‏عيدهم_في_السجن لأن فعلاً عيدنا مش هيكون مسجون إحنا اللي هنأثر فيهم و مش هنسيبهم يأثروا على فرحتنا... قولولهم ?#‏سجونكم_هتعيد هنعلق مكان الشبابيك الحديد بلالين و رسومات فرحة و عيد و لعب على الباب الحديد كل سنة و أنتم طيبين انا عندي حرية سجونكم هتعيد و بالضحكة نختم و بفرحة العيد و ضحكة حرية حمدي قشطة سجن العشرة و نص الإثنين 4/7.
2016 " يذكر أن حمدي قشطة القيادي بحركة 6 إبريل الجبهة الديمقراطية تم القبض عليه بالقرب من منطقة ناهيا أثاء مشاركته في تظاهرة لرفض التنازل عن جزيرتي"تيران وصنافير" في 25 إبريل.