بالصور.. معتقل يوجه رسالة "العيد المبكية"

قال ‫حمدي قشطة، عضو حزب الدستور، في رسالة تم تسريبها من محبسه، بمعسكر الأمن المركزي بالكيلو عشرة ونصف, اليوم الاثنين، إلى الحزب ينقل معاناته داخل محبسه ومرارة غيابة عن أسرته في عيد الفطر.
وجاء نص الرسالة كالتالي:
.."بسم الله الرحمن الرحيم بالضحكة نبدأ و بفرحة العيد و عياط الحرية , وأولاً الله يبارك فيكم و عقبالكم كلكم , و أحب أبلغ الباشا إنى عندي حرية آه والله عندي حرية.. رغم سجنك و قهرك لكن عندي حرية، رغم الإحساس إللي مفيش أصعب ولا أقسى منه بأنك ابنك او بنتك تتولد و متقدرش تشوفها و تشيلها ".
و أضاف "قشطة" في رسالته التي نشرتها الصفحة الرسمية لحزب الدستور:" رغم كمية القهر اللي حسيت بيها و إني للحظات حسيت بالضعف و إني طيب أعمل إيه؟ و إحساسي بقلة الحيلة ,إلا إنه بمجرد علمي بوصول حرية بسلامة و أنا فعلاً حسيت بالحرية رغم السجن".
وأردف: "يا باشا أنا عندي حرية (ايموشن بيطلع لسانه) :-P ,و هعلمها إن صوتهت ثورة مش عورة، هحفظها شكل عمها سيد وزة و هبلغها هو مات ليه و إزاي،هعملها إزاي تتعلم من طنتها سناء الثورة والحق,هحكيلها عن كل اعمامها و عماتها اللي في المعتقلات و اللي بره واقفين جنب المعتقلين و المعتقلات..".
وتابع: "يا باشا و يا بيه والله المستقبل بتاعنا و كله حرية انا عندي حرية وانتوا معندكش غير سجن , ثانياً: كل سنة و أنتم طيبين و عيد سعيد , ولازم تعرفوا و بلغوا كل اهالينا إننا بنحس بفرحة العيد لما انتم برا بتعيدوا إحنا جوا هنعيد".
وقال أيضا: "هننفخ بلالين كتير في السجن، و هنغني العيد فرحة، و هنعمل برامج منوعات جوا,كفاية إننا هنعمل إعلام صادق و اكيد برضه هنعمل إعلان برضه لأم حسين و هي بتدي حلقها لنبطشي الحبس عشان نجيب كحك العيد".
وأضاف: "غيروا ‫عيدهم في السجن لأن فعلاً عيدنا مش هيكون مسجون إحنا اللي هنأثر فيهم و مش هنسيبهم يأثروا على فرحتنا, قولولهم ‫‏سجونكم هتعيد , هنعلق مكان الشبابيك الحديد بلالين و رسومات فرحة و عيد , و لعب على الباب الحديد كل سنة و أنتم طيبين, انا عندي حرية سجونكم هتعيد و بالضحكة نختم و بفرحة العيد وضحكة حرية".