مصريون يفجرون غضبهم ضد "الداخلية": "علشان أنا مصري أهان داخل وخارج بلدي"

"وعلشان أنا مصري لازم آخد على قفايا من أعفن أمين شرطة في البلد"، تغريدة عبرت عن الكثير مما يعتمل في صدور النشطاء المصريين من إحساس بالقمع والظلم والتجاوزات التي يشهدونها يوميا في شوارع مصر.
وعبر هاشتاج "وعلشان أنا مصري"، الذي تصدر المركز الأول في قائمة أعلى الوسم تداولا في مصر، عبر الآلاف من النشطاء عن انتقاداتهم لتجاوزات الشرطة، وتدهور الوضع الاقتصادي، والفساد المالي، وفشل السيسي في جميع المشاريع التي وعد بها المصريين منذ بدء انقلابه العسكري في 3 يوليو، حسب عربي 21.
فغردت فرحة علي: " وعلشان أنا مصري بتهان عادي بره بلدي وجوا كمان". وقال هشام مبارك: "علشان أنا مصري بيعاملوني بره معاملة درجة تانية".
وأضافت فاطمة محمد: " لازم اعيش مسروق وحقي ضايع في دولة لا فيها عدل ولا فيها حق أرخص ما فيها دم الي عايشين فيها". وتساءل أيمن إمام: "محدش شاف مصر ياجماعة، أصل فيه واحد بخلفية عسكرية قال: وبكره تشوفوا مصر، ومن ساعتها محدش لاقيها".
وقال عماد الشاعر: "وعلشان أنا مصري، لازم أدى للباشا التمام، لازم أكتم جوه مني الكلام، وكأن مكتوب عليا الاستسلام، ملعونه يابلد لو مش هتعاملنا باحترام".
وأضافت آية مازن: "وعلشان أنا مصري لو اتكلمت في السياسة ابأى خاين وإخوان ودمي محلل عادي".
وقالت أماني طلعت: "عشان أنت مصرى... لازم تعاني وتفقد كرامتك بكل المعانى وتحرق فى دمك سنين مش ثوانى". وغردت سمر مندور: "أنا دمى رخيص، وصحتي تعبانة، وفاشل في التعليم، والدولار بقي ب9 جنيه".
وأضافت تسنيم محمد: "وعلشان أنا مصري، دمى رخيص، واتسجن، ومستقبلى يضيع، وهشرب ماية ملوثة". وعلقت شمس ماهر: "مش واخد حقي في أي حاجة، بلدي مستخسره فيا حقوقي وبتقدمها لغيري".
وقالت ريحانة سامي: "هتلاقي أم لها شهيد ومعتقل ومطارد وكل يوم تنزل تهتف ضد العسكر لم يمنعها حزنها على الخروج". وأضافت أم بلال: "وعلشان أنا مصرى بيحكمنى خاين عميل. ومعاه الداخلية كلاب سعرانة بيعذبوا الأحرار في عنابر الموت، لكن مكملين".
وقال خالد عز: "مش هلاقي مايه اشربها، بطير عشان آخد الرصاصه من الهوا، الجنيه مابقتش أجيب بي حاجه، الدعم اترفع عنين المهم نبقى كده".
وأضاف كريم أسامة: "وعلشان أنا مصري مش هصدق إن مصر هتحقق تنمية شاملة سنة 2063 عشان، مفيش دولة ظالمة بتنهض". وأردف هيثم محمد: "عايشين متغربين من الظلم، مقهورين من الفساد، جعانين وشرفاء جوا الزنازين وحرائر بالإرهاب متهمين". وقالت سما وليد: "علشان أنا مصري شلت روحي على كفي، وكتبت وصيتي، ونسيت كل أحلامي".
وغرد أيمن مصطفى: "وعلشان أنت مصري لازم تعرف إنك من صنف العبيد، تدوس على اللي أضعف وأفقر منك، وتسمع كلام الأمين، وتسجد لسيس الحمير أسياد وعبيد".