وفاة المولود الذى أجري له عملية بتر نتيجة الإهمال الطبى

إهمال المشافى المصرية يفوق الوصف، قتل وتشويه دون حصولك على حق، حيث توفي الرضيع ياسين مروان والذي يبلغ من العمر أسبوعين بعد إجراء عملية بتر ذراع بسبب الإهمال الطبي في إحدى الحضانات الخاصة بمدينة كفر الشيخ.
وكانت قد صرحت في وقت سابق، والدة الرضيع المتوفى الدكتورة آلاء هشام، عبر صفحتها الشخصية بموقع التواصل الاجتماعي "فيس بوك" قائلة: "اتعملت أول عملية لبتر ذراع ابني اللي لسه يا دوب ماكملش أسبوعين، والحمد لله ده قضاء ربنا وقدره، وإحنا راضيين به، ومسلمين لمشيئته، اللي أكيد فيها الخير والرحمة، لكن ده ما يمنعش أبدًا إني أدور على حق ابني، وحق أطفال كتير ممكن يكونوا ضحية الإهمال الطبي".
وأضافات: "ابني أصيب بجلطة في ذراعه، بسبب تركيب كانيولا في الشريان بدل الوريد، أثناء وجوده في حضانة بكفر الشيخ، المصيبة الأكبر إن الدكتور اللي بايت معاه في الحضّانة ماعرفش إن دي إسكيميا، ولا عرف يتعامل معاها إزاي، وده ببساطة لأنه ممارس عام غير مؤهل إنه يكون الطبيب الوحيد المسؤول عن أطفال حديثي الولادة معظمهم حالات حرجة، الناس دي ضيعت على ابني أول 6ساعات اللي كانت ممكن تنقذ ذراعه".
واختتمت تصريحها قائلة: "أنا مش هسيب حق ابني أبدًا، رغم التهديدات اللي بتيجي لزوجي، وواثقة إن ربنا هينصرنا، وحسبي الله ونعم الوكيل".