بالصور| أهالى سوهاج ينعون حال سكة حديد المنشأة.. ويشتكون ولا مجيب

اشتكى عدد من الأهالي بمدينة المنشأة بمحافظة سوهاج من تهالك محطة سكة حديد الرئيسية بالمدينة ، مؤكدين أنهم تقدموا بشكاوي كثيرة لإصلاح منظومة السكة الحديد في البلدة خشية على الأطفال من القطارات ولتوافر الخدمة اللازمة المستحقة للمواطنين.
يقول أمين على (مواطن)، "محطة السكة الحديد دي المفروض معمولة عشان نستريح فيها لو نازلين أو هنركب قطر، لكن بالشكل ده هي مدة صلاحيتها انتهت".
فيما أضاف أنور حسن، "الرصيف بتاع المحطة كله مكسر والكراسي اللي موجودة عليه نفس النظام، طيب نرتاح فين اللي هيسافر ولا نازل من سفر وتعبان يرتاح فين، ولا نجيب كراسينا معانا فين الحكومة من كل ده".
وأشار طارق محمد بقوله "سكة حديد كلها عايزه يتعاد تصنيعها المحطة كلها من أولها لأخرها غير آدمية من الأرض للكراسي للتند، كلها عايزه تتعمل من أول وجديد ويكون في شوية ضمير".
وتساءل محسن محمد "هو سؤال واحد للمحافظ هو تمن تذاكر القطار اللى الناس بتدفعه بيروح فين ومفيش اى جديد فى السكة الحديد ؟
وقالت عزة عبد الحكيم ... والله احنا خلاص اتعودنا على أن كل حاجة في البلد دي مدة صلاحيتها منتهية مفيش جديد محطة متنفعش لأي استخدام نهائي والحكومة مش فاضية إنها تعمل أي حاجة.