في امتحان الفرنساوي الخاص بالثانوية عامة أتي لنا سؤال موضوع التعبير يقول "تخيل نفسك حنطور قديم، واحكي عن يوم من أيام عملك" انا لست أمزح هذا السؤال بالفعل أتي في امتحان الثانوية العامة سنة 1989، وأرجعوا لكتب المراجعة وسوف تجدوه . بالطبع كل الناس تكلمت عن هذه الحكاية ، حتى اني أتذكر أنيس منصور في العمود اليومي الخاص به في الأهرام قال "انا حاولت اني اكتب بالعربي عن الموضوع ده بس ما عرفتش أقول أيه". لدرجة انهم أطلقوا على الدفعتنا "دفعه الحنطور" طبعا خيالنا لم يكن متسعا مثل هذه الايام ولوإلا كتب الجميع "اركب الحنطور واتحنطر" في هذا العام كان الأول على الجمهورية في العلمي كان اسمه حازم توفيق حاصل 95٪ (هو دلوقتي دكتور في كلية هندسة) تخيل ان الأول كان 95٪ فقط والأول في أدبي لا أذكر أسمه ، لكن اتذكر اللقاء الذي صنع معه وهذا الولد كان "شكله معفن اوي، ولما المذيع كان يسأله ما شعورك وأنت الاول على الجمهورية؟ ترك السؤال نهائيا و رد عليه وقال له"انا بشكر السيد الرئيس حسني مبارك وبشكر ماما سوزان، وكنت دايما بشوف كل الخطب اللي الرئيس مبارك بيقولها في التلفزيون، ونزلت السنه اللي فاتت في الانتخابات الرئاسية بتاعته" (أكتوبر 1987)، أنا بالطبع لم استطع أن أكمل باقي للقاء "وقلت ايه الواد الع*ص" ده واضح انه عايز يبقى وزير، وقلبت القناه (على أيامنا كانوا قناتين بس في التلفزيون كله)، فضل اللقاء والواد ده في بالي مش عارف ليه، لغاية ما شفت الواد ده تاني في الفضائيات بعد تقريبا 20 سنه، نفس الواد ونفس التع*يص، وضحكت في سري وقلت واضح انك عرفت طريقك كويس يا ع*ص. ومن ساعتها وانا بشوفه كتير في الفضائيات وبيمارس "هوايته" باحتراف شديد كل يوم. ااااه افتكرت اسمه ايه، اسمه معتز عبدالفتاح كمال أحمد Kamal Hamed