"النهار" تواصل نشر انفراد | نص تحقيقات قضية "نورا فتاة المعادي".. والد الضحية: بنتي عاوزة تعيش بحريتها

تواصل "جريدة النهار المصرية"، نشر نص تحقيقات قضية الفتاة نورا، والتي تعرضت للخطف والاعتداء على يد والدها بحي المعادي، في الواقعة التي فجرتها وسائل التواصل الاجتماعي بعد انتشار صور الفتاة والتنديد بتعرضها للخطف.
وننشر نص اعترافات "علي.ح"، المتهم باختطاف نجلته المجني عليها نورا، في القضية التي أثارت حالة كبيرة من الغضب عبر مواقع التواصل الاجتماعي.
وإلى نص التحقيقات:
س/ ما طبيعة علاقتك بالمجني عليها؟
ج/ هي علاقة كويسة بين أب وبنته لما كنت بنزل مصر كنت بروح أقعد معاها في الفترة اللي أنا فيها.
س/ وهل من ثمة خلافات حدثت بينكما من قبل؟
ج/ هو مكنش بيني وبينها أي خلافات لحد ما هي خلصت ثانوية عامة وحصل خلاف بسيط لما كنت عايز أقدملها طب في اليابان ورفضت وجدها كان موافق ولما هي رفضت رفع عليا دعوى.
س/ وما طبيعة علاقتك بالمدعوة إحسان في هذه الفترة؟
ج/ كان فيه بيني وبينها خلافات عشان كانت بتجيب ناس غريبة البيت.
س/ وما الذي انتهت إليه هذه الخلافات؟
ج/ حصلت مشكلة وأنا قررت آخدها وأوديها عند والدتي عشان كانت مسافرة وعايزة تشوفها، وبنتي نزلت معايا عشان نروح عند والدتي ومشينا في الشارع حوالي 200 متر عادي، بس لقيت أرملة أبويا صوتت ولمت علينا الناس.
س/ وهل قمت بالتعدي على ابنتك أو إحداث أية إصابات بها؟
ج/ لا.
س/ ما قولك فيما شهدت به ابنتك بأنك تسببت في إصابتها بساقيها وعينها؟
ج/ الكلام ده محصلش
س/ وما سبب حدوث تلك الإصابة؟
ج/ هي بتقول عندها رمد وده بيعمل كدة لكن دي مش ضربة.
س/ وما قولك فيما شهدت به المجني عليها بأنك سرقت هاتفها؟
ج/ محصلش والتليفون ده أنا اللي جبتهولها.
س/ وما تعليلك لما تدعيه عليك سالفة الذكر؟
ج/ عشان عايزة تعيش بحريتها.