ميدو ل أمير مرتضى: «عيب عليك.. بطل قلة أدب»

شن أحمد حسام ميدو، نجم الزمالك السابق هجومًا شرسًا على أمير مرتضى منصور، المشرف العام على قطاع الكرة بالنادي الأبيض.
وقال ميدو في تصريحات عبر مقطع فيديو حمل عنوان "مرتضى وعياله بيقولوا أي كلام.. الزمالك أكبر منكم"، نشره عبر حسابه على انستجرام:" (الكلام اللي بيقوله أمير مرتضى بعد الماتش قلة أدب، أصل احنا طلبنا نلعب في ملعب تاني، ملعب تاني ايه يا جدع انت ؟) ".
وأضاف:" (ملعب ستاد القاهرة انا روحته انا في كل ماتشات الزمالك اللي فاز فيها ببطولات افريقيا والدوري والكأس، روحته أنا وأبويا، ده ملعب الزمالك التاريخي جاي دلوقتي تقول ده ملعب نحس ؟ مين بيقنعكم بالكلام ده ؟) ".
وتابع:" (يا أمير، الكلام اللي انت بتقوله ده غلط، عيب انك تقول ان مشكلة الزمالك انه بيلعب على ستاد القاهرة، عيب، ايه اللي انت بتقوله ده) ".
وواصل:" (مدرب بيلاعب لاعيبة ومُصر على لاعيبة مش قادرة تجري وتعبانة ومعندهاش روح ومينفعش تلعب في الزمالك، معظم اللاعيبة، وانت طالع ياعم أمير بعد الماتش تقول إن العيب إننا بنلعب على ستاد القاهرة) ".
وأكمل:" (يا جدع ايه اللي انت بتقوله ده بطل قلة أدب، ده الملعب التاريخي، ايه الهبل ده ؟ مشكلة ايه اللي ملعب وزمالك ؟ فوق . فوق) ".
وأتم ميدو:" (كنت فاكر أمير هيقف للحاجات الغلط، لكن للأسف لقيته بيتمادى، وبيتكلم في الغلط، بيقولك المشكلة في ستاد القاهرة وطلبنا اللعب على ملعب ستاد الدفاع الجوي، عيب عليك، بطل قلة أدب، اللي بتقوله ده عيب، ستاد القاهرة ده اللي الزمالك فاز فيه بكل بطولاته، هتطلعه نحس ؟
ازاي ؟) ".