فيديو..مرتضى منصور: "اختيار ملعب لقاء الاسماعلى والاهلى حق اصيل للدراويش"

علق مرتضى منصور رئيس نادي الزمالك على عدم موافقة المسئولين بالاتحاد المصري والجهات الأمنية على نقل مباراة الإسماعيلي والأهلي من ستاد برج العرب قائلاً، "انت هتعود تختارلي بمزاجك الإسماعيلي هيلعب فين وأنا هلعب فين وألعب الساعة كامة وده قبليها بيوم، لا مفيش الكلام ده لا وحياة أمك انسى مش هنسمح بالكلام ده، لا يا محمود يا طاهر لم الناس اللي عندك".
تابع، "أنا كرئيس لجنة الأندية الإسماعيلي هيلعب في ملعبه هختار استاد الإسماعيلي، إنت مش قادر تحمي ماتش في الإسماعيلية أمشي اللي مش قادر يحمي ماتش يمشي، وبعدين الإسماعيلي قالك وديني السويس وديني القاهرة مش الزمالك والأهلي هيلعبو في بتروسبورت، يعني هتحمي ماتش أهي وزمالك ومش هتعرف تجمي ماتش إسماعيلي وأهلي".
ووجه حديثه لثروت سويلم رئيس اتحاد الكرة المؤقت، "أنا عارف ياثروت أنت أهلاوي حقنه بس الماتش ده حق أصيل للإسماعيلي لو قال يلعب في المريخ وديه، وأنت عندك أمن يقدر يحمي على أعلى مستوى". واصل، "عيب اللي بيحصل دة لو الإسماعيلي عاوز يلعب في الإسماعيلية يلعب، طب ما الزمالك رايح الجمعة يلاعب المصري في الإسماعيلية، طب منا ممكن أقول أن لو الأهلي لو ملعبش في الإسماعيلية الزمالك مش هيلاعب المصري في الإسماعيلية".