تقييم مرسي في خلال ال 100 يوم.. على الفيسبوك

تداول ال فيسبوكيون على موقعهم للتواصل الاجتماعي صورة لمرسي كتب عليها ما تقيمك للرئيس محمد مرسي خلال ال 100 يوم.ويأتي ذلك مع قرب انتهاء ال 100 يوم التي وعد الرئيس محمد مرسي بتحقيق الكثير من أهداف الثورة التي نادت بال عيش، حرية، عدالة اجتماعية.وجاءت ردود الفعل متباينة منهم من شكر الرئيس محمد مرسي على المجهود الذي بذله خلال الفترة الفائتة، ومنهم من انتقده وطالبه بترك رئاسة الجمهورية.قال أحدهم: الله يكون فى عونه شايل حمل تقيل وخرااااااب بلد لمدة 30 سنة، وأضاف أخر: طيب ممكن تقيم للشعب برده لو سمحت، وأشار ثالث: بدون نفاق .. فين الوعود اللى قال عليها .. وعلى فكره مش كلها محتاجة لأموال . كتير منها محتاج قرارات بس إمضاءات يعنى .. اقلها المعتقلين اللى جابوه على الكرسى ده اللى أنا اخويا واحد منهم ومع ذلك اعتيطه صوتى . ولغايه دلوقتى مش عايز اندم ومتفائل خير.وجاءت تعليقات البعض كالتالي: يكفي أنه أنهى حكم العسكر وأخذ البلد على طريق استقرار كان أكثر المتفائلين يضع له مدة 3سنوات على الأقل، الحق واحد وباين ديما ومعروف ومش محتاج كلام كتير يعيدو هيكلة أجور الدولة ميبقاش واحد فراش بياخد 1800 جنية ومضيفة معهاش ثانوية عامة كل مؤهلاتها شكلها بداية تعينها7000 جنية وكل الناس بتزيد بعد الثورة والمدرس الوحيد ابن البطة السودا عيدو هيكلة الأجور ، بعد فضيحة القروض ومهرجان البراءة للجميع، أدعو له بالهداية و ترك المنصب لمن هو خير منه ، اصبروا عليه ليكم 30 سنه ساكتين ودلوقتى مش قادين تسكتوا على 100 يوم شعب جعان.وجاءت تعليقات آخرين كالتالي: أنا بحب د/ مرسى وبحترمه وبتمناله التوفيق لكن لو ع المائة يوم آنا شايفة إن مفيش وعود أتحققت من المتفق عليها ف الأمن والنظافة والمرور وغيرة . لكن ف النهاية ربنا يقويه ويحققها ، أنا شايفه أن فى تقدم فى التواجد الأمني وبداية فى حل أزمة البنزين والبوتاجاز ومحاولات فى النظافة ومحاولات فى المرور واللى عاجبنى إنه شغال بأساليب علميه مدروسة لحلول جذريه وده ظاهر فى الاقتصاد والاستثمارات الخارجية ، أنا عاجبني أداؤه هو بدأ الطريق الصحيح وإن شاء الله هيكمل.وذكر آخرون أن: الدكتور مرسى أكثر من رائع لأنه جاء فى وقت عاصف ولكنه ومع ذلك استطاع العمل بقوة وكما نحن منتظرين منه المزيد وهو أن شاء الله لها ، المائة يوم يجب أن تبدأ من بعد إزاحة المجلس العسكري لأنه لم يكن لديه كل الصلاحيات قبل إقالة المجلس ، ليس لديه خطه ماشي عليها ولا مجموعة بتفهم كل همهم حلال حرام وما بني علي كدب وخداع. فهو باطل كيف اخدها بالتزوير واللعب بورقة الدين ، كل الخطوات والقرارات حتي اللحظة ممتازة وتضع مصرفي طريق التقدم والازدهار اعانك الله ياريس ويجب علينا التدعيم معنويا وبالرأي لنحصد سويا ما نتمناه إن شاء الله.وأضاف أخرون : دكتور مرسى ماشى في خطوات ثابتة لإصلاح حال البلد على المدى البعيد والمتوسط لكن أهم أسباب قيام الثورة وهو العدالة الاجتماعية لسه لم تحل فيييييييييييييييييييين الحد الأدنى للأجوووووووووووووووووور ، تحسن واضح في ملف الأمن و الاستقرار الأمني بشكل عام .. تحسن مروري واضح و ملموس .. تقليص شديد في الشكوى من الخبز .. اختفاء شبه كامل لأزمة انقطاع الكهرباء و كذلك أزمة الأنابيب..وأزمة نقص الوقود انحصرت لدرجة الاختفاء .. تلال القمامة و الهدد و الردم اختفت في أغلب المحافظات .. لا ننسى إنهاء حكم العسكر .. التفاعل النشط مع كل حدث صغير أو كبير دون تباطؤ و بشفافية .. و الله كفاية انه انهى حكم العسكر و أزال حالة الانقسام و الاحتقان السياسي الشديد في الشارع المصري و التي وصلت لدرجة خطيرة و مخيفة ده غير مواقفه و تصريحاته اللى بتعبر بجد عن اللى جوانا و اللى نفسنا نعمله.