"فيسبوكيون": من يعرف وزير الداخلية يتصل على 0900

تسبب الغموض الذى فرضه الدكتور كمال الجنزورى المكلف بتشكيل الحكومة الجديدة حول وزير الداخلية الجديدة سخرية النشطاء ورواد موقع التواصل الاجتماعى الفيسبوك.
انتقد نشطاء الفيس بوك عدم الإعلان عن هوية وزير الداخلية إلا أثناء حلف اليمين واصفين ذلك بأنه أمر مبالغ فيه ولا يستحق كل هذه الاحتياطات الأمنية.
جاءت أبرز التعليقات كالتالى:
-"الجنزورى: لن نعلن عن وزيرالداخليه إلا عند حلف اليمين"، شكلهم هيحضروا روح النابلسى فى فيلم اسماعيل ياسين فى البوليس السرى علشان يختار الوزير على الفرازة واللى هيسأل الجنزورى دلوقتى ويقوله مين وزير الداخليه هيرد عليه ويقول"بجم بجم".
- إيه حكاية وزير الداخلية السرى ده ؟ دى حكومة ياجدعان مش فيلم اكشن.
- وزير الداخلية : أدهم صبرى رجل المستحيل.
- دول خايفين على وزير الداخلية من الأشرار .. طب لما يجى هيحمينا ازاى.
- وزير الداخليه شكله مش طيب زى محمود الجندى وكمال ابورية.
- مليونية الجمعة لرفض الوزير المجهول والهتافات " يا جنزورى متتعبناش .. مين هو الوزير وخلاص".
- احنا بلد مفاجآت .. وزير الداخلية الجديد هو .. هو .. حبيب العادلى.
- أنا عارف ليه الإعلان عن الوزير أثناء حلف اليمين .. عشان الشعب نصه يتشل والباقى تجيله سكتة قلبية.
- يا جماعة اللى يعرف وزير الداخلية الجديد يتصل على 0900