هند صبرى: مسلمة ونص ونحكي علي ديني ونص

وجهت الفنانة التونسية هند صبرى رسالة لكل من علق بأسلوب جارح على كتاباتها وتعليقاتها على أحداث كلية الآداب بتونس ووجه إليها العديد من الإتهامات، وذلك عبر صفحتها على الموقع الإلكترونى الإجتماعى الشهير الفيس بوك، حيث كتبت هند أعزائي محبي الإرهاب والترهيب الفكري الفيسبوكي على خاطر ماعندكم ماتصنعو وانتوما أجبن من أي مواجهة حقيقية..أحبائي متاع الحملات المنظمة على صفحات بعينها في نصاص الليالي..اللي عاملين فيها حماة الدين والأخلاق الحميدة وانتوما ماتعرفو كان السب والقذف والكره والحقد والجهل وكل شيء يبعدكم عن الدين وهاو باش نخلي إجاباتكم العبقرية اللي تفوح رائحتها أخلاقا حميدة وإستقامة باش اللي ما تشرفش بيكم وبأخلاقكم يتشرف قال شنوا عاملين علي حملة كيفاش نفتي في الدين على خاطر إعترضت على همجية وأسلوب اللي إحتجزو العميد وقلتاستقيموا يرحمكم الله..على أساس اللي كلام ربي ولًى حكر عليكم ولا ما تفهموهاش كلمة حكر؟ و انتوما اللي تقررو شكون يحكي في الدين وشكون لا وشكون يدخل الجنة وشكون يدخل النار زادا يافقهاء فيسبوك والجملة ذات المعاني الجميلة رديتوها فتوى باش تهيجو الببغاوات!.أحباءي نحب نقوللكم : مسلمة ونص ونحكي علي ديني ونص وندافع على مفهومي لديني اللي وصلتلو بقلبي وعقلي اللي أنعم عليا ربي بيهم و بقرايتي وبثقافتي.. وبصوت عالي قد صوتكم اللي قريب يطرشنا اما أنا ما نسبش..كل واحد وتربيته..اه ونحب نقوللكم حاجة أخرى: خفت منكم ياسر ياجماعة عاهرة و نفاق و سفسطة و سكر فمك يا مسخة ما نعرفش علاش يحبو هالكلمات برشا((((: كلام كلو إستقامة وتدين وديمقراطية الصراحة... هيا سيدي : اللي مش عاجبو يخرج مالباج ولا .أي سب وقذف وتجريح باش نتاخهمفيه الإجراءات المتاحة. الmur اتسكر.تنويه واجب: ليس هناك أي تعميم في كلامي. ولا أقصد به أي حزب أو مجموعة بعينها.هذا رد على حملة منظمة تحب تشوه اللي قلتو وتسلبو من معناه وتحب تسكت أي رأي مخالف بالإرهاب و التشويه والسب .