زينة ل«أحمد عز»: ولادك مش سبب فشل «ولاد رزق»

نشرت الفنانة زينة، تعليقا لها عبر صفحتها على موقع التواصل الاجتماعى انستجرام، تتحدث فيه عن قضية النسب التى حكمت فيها المحكمة باثبات نسب طفلين زينة إلى الفنان أحمد عز.
وقالت زينة في تعليقها: "كنت وعدت جمهورى بعدم الحديث عن القضية او ذكر اسم احمد عز، و لكن ما تردد فى الفترة الاخيرة على لسان احمد عز فانه امر لا يمكن السكوت عنه".
وتابعت: "مش لان فيلمك فشل والناس مش طايقه تشوفك" لأنك ببساطه تصرفاتك لا تمت للرجولة بصلة".
واستكملت الفنانة زينة: "أحب أقولك أسترجل وبطل تجيب اسمى واعرف أن فى حكم محكمة وتحترمه غصب عنك لأنه حكم رجع لولادك حقهم وبكره يكبروا ويعرفوا انك حتى ما تستهلش تكون بنى آدم.. لم نفسك وكفاية رخص وابعد عننا بكدبك الرخيص، وبدل ما تروح تشتكى وتعيط فى كل مكان وتعمل شكاوى وتشغل ناس بكدبك احترم حكم المحكمة، او هات دراعك ناخد منه شوية دم نعمل التحليل دي_ان_ايهdna، ده لو عندك اصلا".
وأضافت: "ولاد عز مش هما سبب فشل ولاد رزق.. والمرة الجاية لو فتحت بقك علينا تانى عليا أنا وولادك انتظر المفاجأة فى الوقت المناسب كالعادة.. وأخيرا وأنا عارفه انه صعب "احمدعز حاول تكون_محترم" وأخيرا والحمد لله ربنا ظهر الحق وجاب لنا حقنا ابعد عننا بقى وحسبى الله ونعم الوكيل".