بالصورة.. زينة تهاجم أحمد عز: لم نفسك وكفاية رخص

فى أول رد فعل لها بعد حصولها على حكم إثبات نسب توأميها، هاجمت الفنانة زينة، عبر حسابها الشخصى على موقع الصور الشهير "انستجرام"، الفنان أحمد عز، مؤكده على أن فيلمه الجديد "ولاد رزق" سيفشل بسبب عدم اعترافه بأبنائها.

وكتبت تقول: "آسفه لجمهورى الغالى اللى وعدته إنى مش ها ذكر المدعو ده تانى، بس كمان انا مش هسكت لأى كلمه تتقال كدب زى ما وعدتكوا".

وتابعت: "دى رسالة منى ردا على البيان المسمى بحوارات صحفية للمدعو احمد عز أحب أقوله ( مش لان فيلمك فشل والناس مش طايقه تشوفك) لأنك ببساطه تصرفاتك لا تمت للرجوله بصلة".

وأضافت: "أحب أقولك أسترجل وبطل تجيب اسمى واعرف أن فى حكم محكمة وتحترمه غصب عنك لأنه حكم رجع لولادك حقهم وبكره يكبروا ويعرفوا انك حتى ماتستهلش تكون بنى آدم.. لم نفسك وكفاية رخص وابعد عننا بكدبك الرخيص، وبدل ما تروح نشتكى وتعيط فى كل مكان وتعمل شكاوى وتشغل ناس بكدبك احترم حكم المحكمة، او هات دراعك ناخد منه شوية دم نعمل التحليل دي ان ايهdna، ده لو عندك اصلا ".

واختتمت قائلة: "ولاد عز" مش هما سبب فشل ولاد رزق..والمرة الجاية لو فتحت بقك علينا تانى عليا أنا وولادك انتظر المفاجأة فى الوقت المناسب كالعادة..وأخيرا وأنا عارفه انه صعب "احمدعز حاول تكون محترم" وأخيرا والحمد لله ربنا ظهر الحق وجاب لنا حقنا ابعد عننا بقى وحسبى الله ونعم الوكيل".