حسن مصطفى يكشف عن أهم الأسرار والعُقد فى حياته الخاصة

كشف الفنان الراحل حسن مصطفى، بعض الأسرار التى لم يعرفها الجمهور عن حياته الخاصة، من بينها أنه تربى فى بيت متحفظ للغاية حيث كان والده يعمل وكيل وزارة الأوقاف، وأخفى عنه التحاقه بالمعهد العالى للفنون المسرحية.
وأوضح "مصطفى"، ذلك فى حوار تلفزيونى قديم حيث قال: "أنا بخاف من المراجيح، وبحب المطر جدا، و بضحك لما بلاقى حد تعبان وقدرت اخفف عنه، وبقيت بحس انى مش قادر اضحك الناس، لان المواضيع الجديدة بقى مفهاش حاجة تضحك، والناس تعبانة، والضحك بقى غالى".

وأضاف: "فى فترة عدت عليا كانت صعبة، واتركنت سنة محدش كلمنى واتهزيت، وبضحك جدا لو شوفت عمل فنى كوميدى جيد، انا شخصية سهلة وصعبة، و رومانسيتى عنيفة".

وعن ميمى جمال زوجته قال:"ميمى جمال دى حبيبتى وعمرى طويل وزواج عن حب شديد، وأول علاقة بينا، فى عمل مسرحى، وأول توافق بينا لما اتكلمنا وحبيتها".

وعن مراحل تعليمه قال: "عمرى ماتعقدت من العلم واختى ساعدتنى فى اللغة العربية، ووقفت اودام طه حسين وقولت ادامه قصيدة".

وأضاف: ""طيبتى كسبتنى وخسرتنى، كسبتنى حب الناس، والتسامح وخسرتنى حاجات كتير".

وعن الأِشياء التى يخاف منها حسن مصطفى، قال: "أنا بخاف من المرض أوى وبشوف الناس المريضة بشفق عليهم".

وعن نشأته ذكر مصطفى، : "البيت اللى اتربيت فيه كان صعب ابويا كان راجل شديد، ومفتى وزارة الأوقاف، ومكنش فيه حاجة اسمها نخرج نتفسح يوم الخميس، كله يرجع البيت الساعه 4، وبنخاف منه جدا، بس كان حنينن، وسرى كان مع أمى، ولما قولتلها إنى رايح معهد تمثيل، كان أكبر سر قولتهولها"

نشير بالذكر أن الفنان حسن مصطفى، رحل عن عالمنا صباح اليوم الثلاثاء، عن عمر يناهز ال81 عاماً، بعد صراع مع المرض ومن المقرر أن تشييع جنازته من مسجد مصطفى محمود بالمهندسين عصر اليوم.