بالفيديو.. خالد الغندور: كلام عمر جابر «متناقض»

قال خالد الغندور، لاعب نادي الزمالك السابق، إن كلام عمر جابر، لاعب الزمالك، يحمل كثيرًا من التناقضات، معتبرًا أنه وضع زملاءه في «وضع سيء»، في إشارة للأحداث الدامية، التي شهدها محيط استاد الدفاع الجوي، الأحد الماضي.
وأوضح الغندور: «عمر شخصية محترمة، مؤدب، ابن ناس، لكن في كلام متناقض كتير جدًا في اللي قاله، منين بيقول إن إحنا عرفنا كلعيبة إن الجمهور اتقتل وجمهور مات، وإن هو اتخذ القرار وهو في الأوتوبيس إن هو مش هيلعب، وفجأة نلاقيه بيسخن، ويلبس لبس الكورة، وينزل يسخن ويخش ال18، ويسخن ما بين الشوطين، اللي بيتخذ قرار وعنده مبدأ وقراره واحد، لو اللعيبة اتحايلت عليه لو مين اتحايل عليه، هو اتخذ القرار هيقعد في المدرجات».
وأضاف: «ولما يسأل ليه دخلت، يقول أصل كنت لازم ابقى في ال18، يعني إيه في ال18، ما لعيبة الأهلي لعبوا نهائي الكونفدرالية وهم 15 لاعب، ولعيبة الزمالك لعبوا مرة في أفريقيا وهم 14 لاعب، إن أنت تكون 17 في القائمة مش هتفرق عن 18، خصوصًا إن أنت لو طلبت بالتغيير الأول أو الثاني أو الثالث هترفض، يبقى أنت قاعد ليه».
واستطرد: «كمان كان من المفترض، وده كلامه، إن كابتن إسماعيل يوسف بيقوله أنت مش هتلعب ليه يا عمر؟ يقوله لا أن مش هلعب عشان في ناس اتقتلت، لكن هو قال له أنا مش هلعب أصل أنا برتعش، أصل أنا الغاز مش قادر أخد نفسي، أصل أنا نفسيًا تعبان، يعني مقالش قبل المباراة إن الجمهور اتقتل».
كما اعتبر أن «عمر جابر كان غير موفق في كلامه على زمايله، على عشرة العمر، لأن احنا في وقت خطير جدًا، كدة بيخلي زمايلة في موقف سيء للغاية».