صرخة بنت: "حد يصدق يتحرش بي في نهار رمضان"

قامت مبادرة "بصى" لمناهضة التحرش الجنسى بإطلاق حملة تحت عنوان "تحرش في رمضان" وذلك لعرض حوادث التحرش التي تتعرض لها المرأة في الشهر المبارك.
وعرضت المبادرة، شهادة لفتاة تعرضت للتحرش في الشارع خلال فترة الصيام.
"نزلت امبارح الظهر كنت رايحة مشوار عادى من جمبي تروسيكل عليه عيال في إعدادي كده تقريبا. واحد منهم ضربني تحت ضهري... من الخضة صوتت قلدوني بتريقة وقعدوا يضحكوا..
محدش في الشارع عبرني.. ومشيوا.. من الصدمة كنت مش عارفة أعمل إيه.. لما أدركت اللي حصل قعدت أجري وراهم بس كانوا سبقوني.. قعدت أعيط...
ومن ساعتها وأنا بكره النزول لوحدي أكتر.. نفسي بس حد يقولي ليه عملوا كده؟..
نصيحة بس للبنات.. أول ما حد يتحرش بيكِ خصوصا لو لمسك، اجري وراه وهاتيه من قفاه. ما تخليش حد يمد إيده عليكِ أبدا.. لو ما عملتيش كده هتندمي طول عمرك".