تامر عشري يكتب أمن الدولة

أمن الدولة عصابة قوية ::::::::::::::::::: فكر مناهض للحرية
أمن الدولة يا حزب جبان :::::::::::::::::::::::: الشعب المصرى معاك اتهان
أمن الدولة يادولة ظلم ::::::::::: بكره هتدفعو ثمن الدم
أمن الدولة تعذيب بالأمر :::::::::::::::::::::::: الشعب المصرى شاف المر
أمن الدولة فكر عنيد :::::::::::::::::::::: كل جريمة فيها شهيد
أمن الدولة يا وصمة عار :::::::::::::::: بينا وبينكم دم ونار
أمن الدولة يا بحر خيانة ::::::::::::::::::::::::::: أعمالكم تعذيب وإهانة
أمن الدولة يا خيبة قوية :::::::::::::::::::::::::: شفنا معاك شلة حرامية
أمن الدولة يا كل عميل ::::::::::::::::::::::::::::ك ياحزب خاضع تابع وذليل
أمن سوزانو أمن جمالو ::::::::::::::::::::::::::::: أصل الواد طالع لخالو
أمن حبيبها أمن حبيبو ::::::::::::::::::: غير العدلى مين هيجيبو
أمن الدولة بقى محتاس ::::::::::::::::::::::::: وملفاته بين الناس
أمن الدولة خلاص انهار ::::::::::::::::::::::: أكبر ظابط أصبح فار
أمن الدوله خلاص اتهان :::::::::::::::: لما المصرى ثارفى ميدان
آه يانظام تابع للخونة :::::::::::::::::::: آه يا نظام أعمالكم تافهه
آه ياجهاز تابع لصهاينة ::::::::::::::::: آه يا عصابة كلها خاينة
بعتو بلادكم وكمان دينكم :::::::::::::::::::::::: وادى آخرتها أنتو خسرتم
كام من أم وكام من أب :::::::::::::::: دخل السجن وبدون ذنب
بقى معقول وزير بيقول :::::::::::::::::::: اضرب ف المليان على طول
والتانى رد عليه بيقول :::::::::::::::: ابعتلى مدد ابعت على طول
أمن الدولة كله دناوة :::::::::::::::::::::::::::::: بكره نجبله عيش وحلاوة
شفت يا مصرى القبضة قوية :::::::::::::::::::ك شفت هناك زنازين حديدية
شفت الشعب جوه بيصرخ :::::::::::::::::::::: أمن الدوله بدمه اتلطخ
شفت ملفات ووثائق :::::::::::::::::::::::: فيها كلام أكاذيب مش صادق
شفت كمان خطة تفجير ::::::::::::::::::::::::: تفجير مسجد وكمان دير
بقى معقول دول مصريين::::::::::::::::::::::: طب قولى بيشتغلو لمين
بقى معقول دول رجالة :::::::::::::::::::: دول افكارهم كله حسالة
بقى معقول اللى سمعناه :::::::::::::::::ك واللى كمان قرأناه وشفناه
شفت يامصرى دول تايهين :::::::::::::::::::::: يلا نحاسب الملاعين
شفت المصرى ازاى بيحرر :::::::::::::::::::::::شفت المصرى ازاى بيغير
ماقصد فكرى ولا اشعارى:::::::::::::::::::::: اقصد كلمة قالوها ف ميدانى
كلمة اتقالت من ورا خوف ::::::::::::::::::::::: كلمة قالوها ملايين وألوف
أنت يامصرى قهرت الخوف:::::::::::::::::::: علشان ابنك مايشوف خوف
انت يامصرى مسحت العار ::::::::::::::::::::::: علشان ابنك يلقى نهار
فعلا والله بلدى اتحرر :::::::::::::::::::::::::::: بيد شباب فعله اتغير
اوعى تقول ثورتنا شباب :::::::::::::::::::::: اوعى تقول ثورة احزاب
لا ياحبيبى ثورة أمة :::::::::::::::::::ك ثورة شعب صحوه مهمة
أمن الدولة خلاص انحل :::::::::::::::::::::ك بكره حياتنا هتبقى فل