مدونة بشاير ثورة يناير : فلولي

الناس بتقول انى فلولي
هبطان وواقع من طولي
في عهد الثورة المصرية
ثورتها عشان الحرية
وهدم نظامها الشمولي
والناس بتقول اني فلولي
*
الناس بتقول اني فلولي
هبطان وواقع من طولي
ويقولوا كمان 50 حاجة
مش بفهم منهم ولا حاجة
ولا بعرف عرضي من طولي
والناس بتقول اني فلولي
*
الناس بتقول اني فلولي
هبطان وواقع من طولي
الناس بتقولي سيبك منهم
وهيجي بكرة احسن منهم
وان شوفت جدع ابعتهولي
والناس بتقول اني فلولي
*
الناس بتقول اني فلولي
هبطان وواقع من طولي
وبيتهموني إني معارضة
لأه وخلوني ثورة مضادة
الاقي الخير فين د لوني
والناس بتقول إني فلولي
*
الناس بتقول اني فلولي
هبطان وواقع من طولي
وبقينا نخون بعضينا
وضاع الخير من وسطينا
وسمار النيل مبقاش لوني
والناس بتقول إني فلولي
*
الناس بتقول اني فلولي
هبطان وواقع من طولي
وحالنا خلاص بقى في النازل
وإن عملوا مظاهرة انا مش نازل
ويبان الفضة من اللولي
و الناس بتقول إني فلولي
*
الناس بتقول اني فلولي
هبطان وواقع من طولي
يمكن علشان قلت كفاية
ونحط لاضرابنا نهاية
وانا راضي بعيشي كده وفولي
والناس بتقول اني فلولي
*
الناس بتقول اني فلولي
هبطان وواقع من طولي
علشان مش عجباني الفكرة
وعندي امل لسه في بكرة
وهشجع بلدي وهاجموني
والناس بتقول اني فلولي
*
الناس بتقول اني فلولي
هبطان وواقع من طولي
طب راحت فين الحرية
يرحم ايام الوطنية
هغني لوحدي وغنولي
بأعلى الاصوات إني فلولي