"عزيزة" و"أبوأنبوبة" يتبرآن من المخلوع..علي الفيس بوك!!

تداول عدد من مستخدمي الشبكات الاجتماعية صورة لمواطن وهو يبكي بعد حصوله علي "انبوبة بوتاجاز" معتبرينها دليل إدانه كافية لإعدام الرئيس السابق حسني مبارك. وذلك كرد فعل علي مذكرة مبارك التي دافع بها عن نفسه. وقدمها للمستشار أحمد رفعت رئيس محكمة جنايات القاهرة كما تنوعت التعليقات علي الفيس بوك حول ابيات مبارك في المحكمة "بلادي وإن جارت علي عزيز وأهلي وإن ضنوا علي كرام" حيث انهالت التعليقات الساخرة من النشطاء وكان أبرزها إعلان "عزيزة" لبراءتها الكاملة من المخلوع وفيما يلي أطرف التعليقات: "أنا عزيزة وبقولها بعلو صوتي وفي قلب ميدان التحرير.. اشهدوا ياخلق.. أنا "متبرية" من الراجل دا ليوم الدين حتي عزيزة اتبرت منه.. طول عمرهم مش مقدرين قيمتك ياريس "مين عزيزة دي.. اللي ماتت في قطر الصعيد ولا في العبارة ولا مسرح بني سويف ولا الدويقة" كده برضه يا عزيزة مكانش العشم تغدري بالراجل وتجوري عليه بعد 30 سنه فحت وردم عزيزة دي قليلة أصل ومش متربية.. ترمي الراجل في شيبته إخص علي "النسوان" الغدارة إخص.. مين عزيزة دي ياواد يامرسي.. هو الريس بيعرف ستات من ورانا ولا إيه "مكافأة 400 مليار دولار لأي حد يعرف أي معلومة عن الست عزيزة" والدفع بشيك مقبول الدفع علي بنك المخلوع.. مبارك بيقول بلادي وإن جارت علي عزيزة.. والعادلي بيقول: إن جاءكم فاسق بنبأ فتبينوا.. إحنا آسفين ياريس وحقك علينا ياعادلي.. "إحنا شعب قلبه قاسي.. أوي أوي.. إحنا مش بنحس كده وكده" "ياعيني ياضنايا. اللي خد منك الفيل قادر يرجعهولك" بالد وإن ضاقت عليا أديها لابني الصغير "جيمي" مع تحيات حسني مبارك "ياواد ياوطني مع كامل الاعتذار للشيخ خالد عبدالله".. "لا تغضب ايها النسر الجريح.. اللي بيعمل خير لوجه الله مش بيستني جزاء من البني آدمين". "ياواد ياوطني.. الرئيس متحدثاً عن تل أبيب".
بينما انتشرت صفحات تدافع عن مبارك وتتعلل بكبر سنه وتاريخه العسكري وطالبت بالعفو عنه خاصة في ايامه الأخيرة.