بالتحديد - الإسماعيلي وجوزيه وكلام آخر

* أول الكلام... اللهم لا تؤاخذنا بما فعل السفهاء منا..
* يا أبناء الإسماعيلية.. ايه الحكاية.. الحقوا الإسماعيلي قبل ما يغرق.. هيه مش ناقصة.. الإسماعيلي لوضاع يبقي علي الكرة السلام.. مش فاضل إلا الزمالك.. والمصري.. عليه العوض.. ومنه العوض.
* عمري ماح نسي يوم الاثنين.. أغنية موسيقار الأجيال مطرب الملوك والأمراء محمد عبدالوهاب تذكرتها الآن بمناسبة اجتماع الغد الاثنين باتحاد الكرة.. يوم إلغاء الهبوط.. وصعود 8 فرق من الدرجة الممتازة ب أول وثاني المجموعات الثلاثة مع أفضل فريقين ثوالث علي ان يهبط 8 فرق الموسم بعد القادم.. مجرد اقتراح.
* بصراحة يا لجنة الكرة بالنادي الأهلي هو جوزيه عايز ايه بالضبط.. دمر الشباب.. سقع النجوم.. طلب لاعبين.. طبعاً اللي يلاقي ملايين الرعاية قدام عينه لازم يجيب لاعب برازيلي ويصر عليه.. ويسب سعيود.. يا تري.. يا هل تري نسيتوا اللاعب الكولومبي كاستللو.. والبرازيلي وبينو اللي طلعوا مضروبين.. احذروا.
* يا مجلس الزمالك.. أنا خايف والله علي ال 25 مليون اهيف بتوع الرعاية.. يروحوا في لاعبية زي أبوكونيه وعودية وعماد ويونس ووجيه و.. ولا مش لازم الباقي.
* حد يقولي خبر لجنة التفتيش المالي اللي قررتها مديرية الرياضة بالقاهرة الخاصة بأحد الأندية الكبري اختفي بعد نشره علي المواقع رغم اهميته.. يا عالم.
* ايه بقي حكاية فضيحة رامي ربيعة.. يا تري سافر مصاب ليه.. لما يرجع باتهامات وخسائر.. نصدق مين دكتور الأهلي.. ولا المنتخب.. ومين يتحمل 40 ألف دولار تكاليف الفضيحة دي.
* بقي معقول.. يبقي فيه فصال في وليد سليمان.. يا اه.. يالا.. 12 مليون جنيه عداً ونقداً يا إما يفتح الله.. هو تلاجة.. ح يا خدوا عليه لاعب هدية ولا ايه.. الاحتراف مش كده يا محترفين.. اللي غاوي ينقط بملايينه.
* والله حاجة تفرس.. الحالة الاقتصادية اللي بنمر بيها.. والملايين نازلة ترف هنا.. وهناك.. ارحمونا يرحكم الله.
* يا دكتور عفت.. نادي الاتحاد محتاج فريق كامل.. من أجل المنافسة.. والعودة للمكانة السابقة.. مش علشان يكافح من أجل البقاء.
* ايقاف بن همام رئيس الاتحاد الآسيوي مدي الحياة.. قرار فظيع.. طبعا البركة في بلاتر معلش يا بن همام.. انت كبير برضه.. وح تفضل كبير.
* يا خسارة يا عبدالحميد يا شبانة والله أنت لاعب موهوب.. لكن للأسف دي نظرية الأخ فيثاغورث.. عموما انت مش الأول.. ولن تكون الأخير.. ولا عايزني أفكرك.
* يا فلاحين المحلة الغاليين.. التوءم مش ممكن يدربكم.. لانه مش بعد المصري والزمالك يدرب غبر الإسماعيلي.
* آخر الكلام.. اللهم لاتعاملنا بما نحن أهله وعاملنا بما أنت أهله.