أعظم جيوش الأمم

من تحت تحت الهدد
طلع الأسد زنهار
يزأر بصوت البلد
خلي الليالي نهار
وقال لجيش الصهاينة:
وقت الحساب أزف
جيش الكلاب ارتجف
وفي لحظة واحدة انهار
بعد الليالي المهينة
اتبسمت تاني
مصر إللي كانت حزينة
وليلاتي بتعاني
وهي شايفة الصهاينة
بيدنسوا ترابها
ويثيروا أعصابها
عمالة تكتم غضبها
وفجأة قالت كفاية
لابد نضربها
عصبة غشيمة ومجرمة
والضربة كانت مؤلمة
خدنا بصحيح التار
والدرس كان قاسي
لما الأسود حلفوا واتعاهدوا
أنا لسه مش ناسي
الصيحة واتشاهدوا
الله أكبر
ولازم نجيب النصر
والنصر جانا العصر
وكل حاجة في مصر
فتّحت كما النوار
دكينا حصن العدو
إللي اتبني بارليف
قلنا ياناس اشهدوا
الخط صار بلوبيف
واتوالي ضرب النار
ومصر قالت أشاء
والكل لبي النداء
واتجندلوا الأعداء
والمقبرة في سينا
أشلاء علي أشلاء
وإسرائيل اتبهدلت
وانهاروا أنجاسها
زي الحمير اتشندلت
وجيوشنا بتدوسها
جالها الطوفان المصري متعبي
وكل جندي في جيشنا متربي
ياننتصر يانموت
ومهما الليالي تفوت
التار لابد واخدينه
وكل جندي في جيشنا
متبع دينه
جيشنا وإحنا عارفينه
أعظم جيوش الأمم
أيامه وسنينه
مارد صحيح جبار
من تحت تحت الهدد
طلع الأسد زنهار