مصر كبيرة وآدي دليلها

رب افتح لي ودايماً جمّع
مصر في عين العالم أجمع
شارة البدء اليوم لقناتنا
حاجة بسيطة وجي الأروع
رب افتح لي ودايماً جمّع
جي الأروع تطلع مصر
شابة فتية وبنت العصر
كل أيامها دي عزة ونصر
صوتها جميل في الدنيا ملعلع
رب افتح لي ودايماً جمّع
قالوا عليها قناة فنكوش
مش ح تجيب ولا أي قروش
ضحكوا عليكو بحلق حوش
قلنا اخرسوا يابواق بتسمع
رب افتح لي ودايماً جمّع
شوفنا قناتنا وبسم الله
متر بمتر إحنا حفرناه
إيد مصرية رعاها إلاه
حافظ مصر ومش بيوقع
رب افتح لي ودايماً جمّع
يومنا تاريخي ويوم أمجاد
جاية وفود من كل بلاد
جاية تقول المصري أجاد
دايماً أقوي ودايماً أشجع
رب افتح لي ودايماً جمّع
جيش مع شعب وقالوا نعلي
نبني صروح وصناعة محلي
بس في نفس الوقت تخلي
الإرهاب مدحور يتوجع
رب افتح لي ودايماً جمّع
إيد بسلاح مع إيد حفارة
مش ساهمين لو كنا في غارة
نضرب برضو ونبني حضارة
شوفنا طريقنا ومين ح يرجع
رب افتح لي ودايماً جمّع
طالعة سلالم ما بتنزلش
لما بتنوي دي مش بتكش
يا أعداء ماتدارو الوش
رب افتح لي ودايماً جمّع
يا سبحان الله ع الطلعة
صبحت شمس وكانت شمعة
لما إرادة فولاذ كات والعة
أيها صعب أوام يتضعضع
رب افتح لي ودايماً جمّع
مينا ومينا بقت ميناءات
والخاينين بقوا بلح أمهات
من خيبات رايحين خيبات
كانوا عايزين لبلادنا تولع
رب افتح لي ودايماً جمّع
مصر كبيرة وآدي دليلها
تطلب أيها شيء بيجيلها
مصر النور اللي قناديلها
لا بتنطفئ ولا يوم ح تودع
رب افتح لي ودايماً جمّع