تصميم الجموع المؤمنة

أجمل ما فيكي يا مصر.. تصميم الجموع المؤمنه
يرجع لنا.. لحن الهدوء.. ويا الشروق.. والازدهار
بعد الغيلان يا مصر.. ما حاولت تدوسه بالدمار
آه يافنار.. الفجر قبل الفجر غني للنهار.. باس الجبل
ما تزعليش.. بكره يعود ليكي الأمل.. مليون أمل
بكره يا مصر تعودي واحه.. للقرايب والضيوف
لا الخوف هايدخل ليكي تاني بالنيران
ولايوم هايرعش رايتك المرفوعة خوف
يا أم الصفوف.. فوق الطريق.. مالهاش عدد
يا حبيبتي.. يا أغلي بلد.. أحلي بلد
من قد إيه يا مصر.. وانتي البدر فوق العالمين
واقفه علي جسر السنين.. مبتسمة
شعرك يا ست الكل.. لامس في السما
وعنيكي فيها الحب.. يا اللي الحب جواكي سما
يا حروف علي وتر الحياة.. متنغمة
لحن الهدوء يا مصر.. ببكره يعود لنا
يعزف لنا.. غنوة أماني.. تهز أرجاء المكان
آدي البيبان يا مصر.. فوقها السيسبان
لا دمار هايقدر تاني يرعش في الكيان
ولانار هاتقدر تطفي فينا كلنا
أجمل ما فيكي يا مصر.. تصميم الجموع المؤمنة
يرجع لنا.. لحن الهدوء.. والبسمة.. والنسمة الحلال
من تاني يطلع فوق سطوح النور بلال
يحضن هلالك.. يا هلال.. جوه السحاب
يا خانقه في غول الدمار.. ويا الخراب
طول عمرنا يا مصر واحة.. شمسها شلال دهب
طول عمرنا.. لانحب هيصة.. ولا لهب
وعشان كدة.. حالفين لايرجع ليكي من تاني الهدوء
نرجع ندوق الراحة.. من بعد التعب
يا فاهمه غدر أبو لهب
عاشقين عنيكي يا مصر.. من مليون سنة
دايما نعيد.. ونقول عليكي "سوسنة"
يا نسمة السكة الجديدة.. والميدان
يا ام الادان.. بيهز أرجاء المكان.. قبل الادان
يا راكبه فوق أجمل حصان.. لابسة بحب الصولجان
مين اللي يقدر يوم يدوسك بالعناد
آه يا بلاد الحب يا أشرف بلاد.. يا مخلصة
إحنا علي بابك حرس.. راكبين فرس.. صبح ومسا
نتعب.. إذا شفناكي عايمة في الاسا
يا مصر.. يا ام الروح حنان.. يامدرسة