يا مصر انتي بس مش وطن.. يامصر انتي حالة م الشَجنْ.. يا مصر امتي ح تفرحي.. وليه انتي كيان من الحزنْ؟! *** أنا اللي عمري م الهموم اتسرق.. وأنا النجم اللي ف سماه اتحرق.. وأنا اللي عاش حياته وَهَمْ وقلق.. أنا م الآخر.. بطل من ورق!!.. *** قلم رصاص قلبي والحب براية.. ف العشق ياما ليه ألف حكاية.. ع الوتر عازف م الجرح نازف.. عن لحب مايتوب حتي النهاية.. *** حاضر وما لكش نايب.. مظلوم والحق غايب.. وكيف تنصفنا يا عدل.. وانت م الظلم هايب..؟! *** ف ليلة قابلت الخوف.. حدفته أنا بطوبة شافني مات م لخوف.. وعرفت واحنا ف عز طوبة.. *** قلبي اتوجع.. من كتر الوجع.. قمت أنا قلتلي: ماتشد حيلك ياجدع..!! محمد فؤاد