نفسي أبكي

نفسى أبكى
بس مش قادر لأنى
جوه منى كبرياء يمكن مانعنى
قلبى ممكن يبكى لكن
عينى لا
عشت عمرى كله صامد
جوه منى ألف آه
رغم كل الحزن ده
لسه عاشق للحياه
ناس كتير بتقولى بكره
جاى أحسن
يجى بكره و يجى بعده
و برده باحزن
قلت جايز العيب فى شخصى
وانى بالتأكيد مريض
وبنظره واحده لكل جيلى
اكتشفت إنى سعيد
جيل بحاله بينسرق حلمه
و صامد
جيل بحاله كل فرصه فجأه
ضاعت
لما شفت الحال كده
قلت انت بتبكى ليه
مهما تبكى ومهما تحزن
البكى هيفيد بإيه
قوم بقى واغسل همومك
وانسى حزنك
خلى أملك هو نورك
والايمان بالله سفينتك
وادعي ربك مصر ترجع
زي ما كانت وأحسن
قوم بقى سطب حياتك
واوعى تحزن
خدها يلا وعدي بيها
رجع الروح تاني ليها
وابتسم راح تبتسملك
اوعى تبكى وادعي ربك