روحوا اتشطروا على الجمارك اللي بتسفحكم

نشطاء لمؤسس حملة كفاية جشع:

دشن عدد من نشطاء مواقع التواصل الاجتماعي، حملة تحت عنوان "كفاية جشع" للتصدي لارتفاع غلاء السيارات.
الحملة التي شهدت تفاعلا كبيرا على مواقع التواصل الاجتماعي، طالبت بفرض رقابة صارمة من الدولة على المستورد، وتحديد نسبة أرباح المستورد والتاجر، وإعادة تشغيل مصنع نصر وتوفير سيارات محلية الصنع، ذات كفاءة عالية وتكون حجر الأساس لعودة الصناعة الوطنية للسيارات, تشديد الرقابة على السيارات المستوردة ومراعاة علامات وشروط السلامة, تنفيذ الوعود بتخفيض الجمارك على السيارات الأوروبية, وقوف المستهلكين يدا بيد ضد جشع التجار وضد احتكار الأسواق لبعض الموردين.
وعلق الناشط أيمن محمد كامل على الحملة، قائلا"أنا شوفت إعلان للوجان على أن الصيانة الدورية مجانية لأول 100 ألف كيلو لو اشتريت".
وأضاف "طبعًا دا أول صدى لحملات المقاطعة الموجودة ولو الحملات دى استمرت أكيد هيبقى في أصداء تانية وإن شاء الله الموضوع هينجح".
بينما اختلف علاء النجار مع توجهات الحملة، قائلا إن سبب الغلاء يأتي بسبب الجمارك والحكومة قائلا: "الحملة دي غلط و بتضغطو بيها علي مين على اللي كسبان 2000 ولا 5 ولا 10 حتى من عربية، روحوا اتشطروا على الجمارك اللي بتسفحكم وبتاخد تمن العربية مرتين واكتر كمان, لافتًا إلى أن هناك معارض صغيرة ده أكل عيشو ومش بيكسبو زي ما انتم متخيلين".
وطالب "النجار" بتغيير اسم الحملة لرفع الجمارك عن العربيات، قائلا:"الجمارك مصدر دخل مهم جدًا في الدولة زى الضرايب وإحنا في أزمة ومحتاجين كل جنيه معلش يعني انتم بتشترو عربيات بل100 ألف والربع مليون وزعلانين إنها غليت وعاملين مقاطعة".
وتساءل قائلا "أمال الفقراء يعملوا إيه اللي الأكل والشرب والدواء غلي عليهم وميقدروش يقطعوه ادفع يا باشا منك له وأنت ساكت والعربيات وباقي السلع هتفضل تغلي لأن سعرها كده ومحدش بيسرقكو ولا حاجة البلد في أزمة فوقو بقي متوقعهاش اكتر ما هي بايظة".
شاهد الصور..