آخر ما كتبه قائد فرقة "أطفال الشوراع" قبل القبض عليه

أعلن المحامي والحقوقي "طارق العوضي" القبض على كافة أعضاء فرقة "أطفال الشوارع" التي ظهرت قبل أشهر واشتهرت بتقديم عدد من الفيديوهات الساخرة .
وكان "محمد عادل" - الذي يُعرف بأنه قائد الفريق - قد علّق قبل يومين تقريبًا على القبض على زميله "عز الدين خالد" قائلًا : "مش هأقول أننا متفاجئين .. لاننا كنا عارفين تقريبًا أن في حاجة هتحصل " .
وأضاف: "عارف أن في ناس كتير عمالة بتلومنا و بتلومني شخصيًا بما أني كنت بزق الفريق ده دايمًا أنه يعمل حاجات أكثر "
وتابع : "قعدنا من يومين قبل آخر فيديو وقلنا (مش عاوزين لما نكبر نفتكر نفسنا و نفتكرها أنها كانت جبانة ) " مضيفًا: " نفوسنا مش جبانة بس يمكن اللي بيحصل يكون أكبر مننا شوية .. الملف على مكتب وزير الداخلية .. احنا الستة مطلوبين .. خمسة هربانين و اصغر واحد فينا واللي عنده السكر مقبوض عليه " بحسب قوله.
واستدرك : "اتكلمت مع الشباب امبارح و يمكن محدش ندمان أننا وصلنا هنا لكن يمكن خايفين من المستقبل .. مصر مخيفة أوي .. مكنش ينفع منوصلش للمرحلة دي .. عمرنا بيتغير قدام عينينا .. بس مصر مصرة متتغيرش .. عارف أننا نكرات في مسار الأحداث .. لكن حياة الست نكرات دي اليومين دول بتتشكل .. أو يمكن بتنتهي .. واحد بيفكر ينتحر و اثنين مبيفكروش غير ف (....) والباقي حتي مصدوم " .
وأنهى كلامه قائلًا : "مصر بقت فعلًا مخيفة .. مش قادر أكتب (الحرية لعز) وانا أكتر واحد مش مصدق أنه هيطلع .. احنا كمان مش هنفضل برة كتير .. الموضوع صعب .. كل اللي اقدر اقوله ف الآخر .. متخافوش برا .. واحنا مش هنخاف جوا " بحسب تعبيره.
وعقب تلك التدوينة بنحو 48 ساعة تم إلقاء القبض على كاتبها وبقية أعضاء الفريق وسوف يعرضون على النيابة صباح اليوم.