باحث: 4 أسباب وراء إتهام الإخوان بقتل النائب العام

كشف أنس حسن - كاتب وباحث سياسي - أسرار إتهام النظام للإخوان بقتل النائب العام السابق ، مشيرًا إلى إن هذه محاولة من النظام لإعادة "الإخوان" إلى واجهة الصراع مرة أخرى بحسب رأيه.
وقال "حسن" في تدوينة: الناس بتتساءل ليه دلوقت النظام بيحاول يصدر الإخوان تاني وبيرجع موضوع النائب العام.. الحقيقة إن غياب الإخوان تدريجيا عن الساحة حط النظام في مواجهة مباشرة مع قطاعات واسعة من الشارع، آخرها موضوع الأطباء وموضوع الدرب الأحمر، وتصاعد تركيز الشارع على فشل النظام الأمني والسياسي، وتزايد سيطرة ولاية سيناء على مجريات الأمور على الأرض هنالك..كل ده خلى الشارع ينسى إن فيه شماعة اسمها الإخوان المسلمين وينتبه إن فيه نظام مسؤول مسؤولية مباشرة عن بلاوي كتير وفساد كبير بيضزب أركان الدولة، ومحدش عارف من النظام إنه يجمل وجه النظام وينسي الناس البلاوي دي "بحسب تعبيره"
وأضاف: استدعاء الإخوان والشحن الكبير بالرغم من ضعف تواجد الإخوان كفصيل معارض، وانكفاءهم حول قضيتي المعتقلين والتعذيب، وغياب تمثيلهم تهديد حقيقي للنظام، كل ده زاد التهديد على النظام ومقللهوش، لأن النظام بقي مطلوب منه يواجه أزمات الناس وأزمات الاقتصاد والدولار.. فاستدعى الإخوان مرة أخرى إعلاميا عشان يقول "إحنا في حرب" وفيه "إرهاب" ولازم نتحد ضد العدو .. ده بجانب ملفات الصهينة اللي ماشي فيها واللي زج اسم حماس في القضية جنب الإخوان بيعززها "بحسب رأيه"