أعلن الإعلامي باسم يوسف، عن تبنيه الحالات الإنسانية التابعة لبرنامج "صبايا الخير"، من خلال هاشتاج "كرامة مش إعانة". وتبنى "باسم" من خلال حملته توجيه المساعدات للحالات الإنسانية التي كان يتبناها برنامج "صبايا الخير"، من خلال الشركات المعلنة. وقال خلال حسابه الشخصي على موقع التدوين "تويتر": "شكرًا للشركة الراعية لبرنامج صبايا، وأتمنى باقي الشركات تعمل كده عشان ما نذلش الفقرا بفلوس بيجيبها برنامج فضايح". وأضاف: "مبادرة الشركة الراعية محترمة عشان احتياجات الناس تتحقق بعيدًا عن برامج الفضايح، زي الناس ما ضغطت على الرعاة للانسحاب من البرنامج، يشجعوهم على المبادرة دي، المحتاج لا يجب أن يُذل، وتاني أتعهد بإعلان مجاني هنا زي ما عملت للشركات اللي قاطعت". وتابع "بعد 24 ساعة الأكونت ده هيكون مساحة إعلانية للي هيتبعوا مبادرة مماثلة ويقاطعوا ويشتركوا في الهاشتاج ده، المحتاج مش محتاج برنامج فضايح، المحتاج محتاج "كرامة مش إعانة".