ننشر كافة القفشات التي قيلت عن خواطر وزير التعليم

تداول نشطاء على مواقع التواصل الاجتماعي خواطر منسوبة للدكتور الهلالي الشربيني - وزير التعليم الجديد - حيث اثارت هذه الخواطر عاصفة من السخرية .
واعتبر نشطاء أن هذه الخواطر لا تليق بأستاذ جامعي أو بوزير وبخاصة مع الاخطاء الاملائية والنحوية الكبيرة التي ظهرت في تلك التدوينات حيث عبر النشطاء عن سخريته من هذا الامر بالصور والتدوينات التي نرصدها كالتالي:
- الكاتب محمد طلبة رضوان: لثه ما شفناش حاجة من "وذير" التعليم و"ناذلين" فيه نقد وكلة أدب .. طب "اثتنوا" اما تشوفوا شغل الرجل .. هو أي هري و"خلاس" ده ايه "الزل" ده .. فين أيام "الوذراء" اللي كانت ماما "سوذان" مبارك بتجيبهم .. فاروك حثني .. وحثين بهاق الدين .. وظكي جمعة ... ايييييييييييه ذمن
- المطرب محمد عطية : من طه حسين وزيراً للمعارف .. لوزير تعليم لا يفرق بين ال"ذ" و ال"ز" ويكتب بوستات لا تختلف في محتواها عن بوستات الخليل كوميدي .
- محمد منسي: ونحب نطمن طلبة الثانوية العامة بإن الوزير جي في مستوى الطالب المتوسط
- يسري فودة : عذيذي باسم يوسف .. "البرنامج" شغّال لوحده .. مش محتاجينك خلاص
- حمزة نمرة : كان عندنا أستاذ تربية وطنية كان يملينا كده "في الوقت.. اللزي..كانت...المصريين..." الله يمسيه بالخير.
شكرا.. حمذة نمرة.
- الصحفي محمد الجارحي: وزير التعليم الجديد : ما تبصوش على غلطاتي.. بصوا على مؤهلاتي ( النظر للمؤهلات عيب على فكرة )

2- بيقول ما دخلتش الفيس من فترة علشان أنا في الوزارة وبعقد اجتماعات مع المسئولين ( تم تكليف الوزير الصبح يعني ما دخلش الفيس بقاله كام ساعة )
3- حكاية الحروف تداخلت دي معناها حاجة واحدة إن الوزير زرايره بايظة.
- زين العابدين توفيق : حكمة اليوم : لو خايف من بكرة نام وما تقومش غير بعد بكرة.
- عايدة سيف الدولة : كل واحد يحترم نفسه عالفيسبوك ويعمل حساب لبكرة لما يبقى وزير ( او تبقى وزيرة ) .. خواطر وزير التعليم مسابتش لخواطر وزير الجهل حاجة .. عيني عليكم يا تلاميذ.
- تامر ابو عرب: وزير تعليم ساقط ابتدائية، وزير سياحة لقيناه فاشل مشيناه ملقيناش غيره جبناه، وزير تنمية محلية من عصابة مبارك وكان ممنوع من السفر، وزير نقل قالك لو صلحنا الكباري الحوادث هتزيد، ووزير ثقافة زي ما انتوا شايفين
عشان تحرموا تقولوا نغير حكومة تاني ياكلاب.
- المصيبة مش في بوستات وزير التعليم اللي مليانة اخطاء املائية .. المصيبة انه بيعمل لايك لنفسه .
بينما شارك البعض بالكوميكات كالتالي: