فيديو.. ماذا قال "السيسي" للتليفزيون الاثيوبي عن أزمة المياه بمصر

اكد الرئيس عبد الفتاح السيسى ان الشعب المصرى والاثيوبى يستحقان علاقات اكبر وافضل من ذلك ، مؤكدا “أنا محمل برسالة رائعة من المصريين لأشقائنا فى إثيوبيا، الرسالة دى بمنتهى البساطة من كل مواطن مصرى بسيط بيتمنى لأشقائنا فى إثيوبيا ولدولة إثيوبيا التقدم والازدهار، لأن احنا فى مصر برضو بنعانى من ظروف قاسية، احنا عندنا ما يقرب من 55 مليون إنسان يعمل فى الزراعة وفى نفس الوقت فلاح، فنشعر بما تشعرون به”.
وأضاف السيسى “أرجع للسؤال هل ده إن احنا الزيارة هنا الهدف منها أفضل مما كنا عليه، لا بصراحة احنا عندنا آمال أكتر من كدة وبنقول إن شعب مصر وإثيوبيا من حقهم حياة أفضل من كدة، والعلاقة المفروض تكون أفضل من كدة بكتير، عايزين نتكلم إن شاء الله عن حقبة جديدة بأسلوب جديد وبشكل جديد، بين الأشقاء فى مصر وإثيوبيا”.
وأكد الرئيس “احنا محتاجين أن احنا نزيل كل الشكوك وكل القلق اللى موجود فيما يخص مسألة المياه بين المصريين لأن المر ده يعنى هو ده جوهر الموضوع، لأننا احنا بنتكلم مش على تنمية احنا بنتكلم عن أحوال حياة”.