ريهام السهلي ل «أبوالفتوح»: أنت فاكر نفسك «غاندي»

شنت ريهام السهلي المذيعة بقناة "التحرير"، هجومًا ناريًا على الدكتور عبدالمنعم أبوالفتوح رئيس حزب "مصر القوية" بعد إعلانه استعداده للوساطة بين الدولة و"الإخوان المسلمين"، قائلة "مفيش حاجة اسمها دولة وإخوان، في دولة بس، متفتكرش نفسك غاندي".
وأضافت السهلي عبر برنامجها "نص الاسبوع" مساء الأربعاء: "انت خرجت عن الإخوان مش بمزاجك عشان كنت عاوز كرسي الرئاسة، وقولت ان مفيش إخواني بيترك الجماعة ينفصل عن منهجها، بتتكلم لية دلوقتي وانت بقالك شهور ساكت".
وتابعت "عملت نفسك مش إخوان ماشي، عملت نفسك تمثل الدين الوسطي، ما يضرش، قولت مش هترشح للانتخابات البرلمانية براحتك، لكن تيجي تتحدى إرادة المصريين وتقول مصالحة، لا بقى كفاية متفتكرش نفسك غاندي".
ومضت بالقول" تصريحاتك بتفكرني بكلام عصام العريان التي ترحب بعودة اليهود إلى مصر، رغم انهم قتلوا الشعب واستباحوا الدم".