عطية يروي ملابسات مقتل فنان شهير باشتباكات المطرية

روى المطرب محمد عطية تفاصيل حديثه مع المطرب "السادات" - مطرب شعبي شهير - لعزاءه في زميله في فرقته الموسيقية الذي قتل في اشتباكات المطرية .
وقال عطية في تدوينة: إتكلمت النهاردة مع مغنى المهرجانات ( سادات ) عشان أعزيه فى صديقه اللى كان معاه فى الفريق ( زؤلة ) اللى إتقتل برصاص الداخلية فى المطرية ... مش هقولكوا قد إيه هو كان متأثر بموت صاحبه .. و قد إيه نفسه الثورة تنجح عشان حق صاحبه يرجع .. و قالى كلمة مش قادر أشيلها من دماغى .. ( مش ذنبى إن فى ناس تانية سكتت على حقها و حق ولادها والناس اللي ماتت ) .. بحسب وصفه
وأضاف: اللى لفت نظرى طريقة كلامه معايا رغم إنى شاب فى سنه و زيي زيه .. إنه بيقولى يا (أستاذ محمد و حضرتك ) قبل كل كلمة .. لحد ما أقنعته مايقولش كده و برضه تلقائيا وهو بيقفل قالي ( إتفضل يا أستاذ محمد ) .. على فكرة أنا إتعاملت كذا مرة مع شباب من مناطق شعبية و كلهم بيتكلموا بنفس الطريقة .. بما فيهم الناس اللي بقت نجوم و مصر كلها عارفاهم ..الحقيقة اللى مش وصلاكوا .. إن المناطق دي الناس العادية فيها محترمين و بيقدروا الناس و أصحاب واجب .. ولسه عندهم حاجات أخلاقية إنقرضت غالبا من المجتمع المصرى .. زؤلة اللى الداخلية قتلته .. كان واحد من الناس دى .. الله يرحمه و يصبر أهله و ناسه .