هات لى لاب توب ياجوزى.. جديد الشاعر الكبير مجدي عبد الرحيم

صدر مؤخرا للشاعر مجدى عبد الرحيم كتاب ساخر جديد بعنوان "هات لى لا توب ياجوزى "ومجدى حاصل على جائزة كتاب الجمهورية الكبرى عام 2010 م فى شعرالعامية وتم تكريمه من قبل اتحاد الكتاب ومنحة ميدالية الاتحاد عام 2010م .
يعد الكتاب العمل الثامن للشاعر فقد صدر له من قبل : ديوان "حاجة تموت من الحزن" - الهيئة العامة لقصور الثقافة وديوان "مشهد الوداع الأسبوعي– إبداعات- الهيئة العامة لقصورالثقافة وديوان "توت حاوي توت" كتاب قطر الندى – الهيئة العامة لقصور الثقافة وديوان " قلبى صُغَيَّرنونو " كتاب قطر الندى– الهيئة العامة لقصورالثقافة وديوان " يامطرة رخى رخى " كتاب قطر الندى– الهيئة العامة لقصورالثقافة و" لسه بيعشق طير العصافير " الهيئة العامة للكتاب و ديوان " قبل العتمة بمتر " مركز عماد قطرى للابداع والتنمية الثقافية .
يتحدث الكتاب باسلوب ساخر من خلال احدى الاسر المصرية عن العلاقات الانسانية داخل البيت المصرى ومايدور من مناغشات ومناوشات يومية بين الزوج والزوجة فى اطار فكاهى لذيذ، تنتهى دائما بمفاجات وطرائف غريبة ومدى تاثير ذلك على الزوج فى مجال عملة وعلاقة بالمجتمع المحيط به
مقطع من نص: أرجوك ماتفهمنيش غلط
ما العمارة اللى جنب بيت حماتى المكونة من 18 طابق تنهار فى لحظة، وأقول ياخسارة أرجوك ماتفهمنيش غلط .
أنا قصدى خسارة كبيرة سقوط العمارة طبعا .. لإنها جديدة مكملتش 3سنين، ولما حماتى تقررتترك شقتها خوفا من سقوط البيت أقول :
- ليه بس .
أرجوك ماتفهمنيش غلط .. أنا قصدى ليه بس الشحططة وليه تسيب بيتها، دى الأعمار بيد الله وكل شئ قدر ونصيب، ولما إخوات المدام يرفضوا جميعا إن حماتى تروح تقعد عند اى واحد منهم، لانها بتعمل مشاكل مع زوجاتهم اكيد معاهم حق .
أرجوك ماتفهمنيش غلط مش لاسمح الله إن حماتى صعبة، والتفاهم معاها مستحيل ولسانها بينقط عسل زى لسان مراتى بالظبط، أنا قصدى إنهم بيبعدوا النارعن الكبريت وعلى رأى المثل : شيل ده من ده .. يرتاح ده عن ده.