بالفيديو.. خناقة نارية بين "الإبراشى" ومحافظ الجيزة على الهواء

تطور اتصال هاتفى بين الإعلامي وائل الإبراشي والدكتور على عبد الرحمن محافظ الجيزة ، من خلال برنامج العاشرة مساءا على قناة دريم 2 الفضائية ، حول انهيار عقار العمرانية وتشرد سكانه وافتراشهم الشوارع.
واتهم الإبراشى، محافظ الجيزة والمسئولين بالإهمال وعدم تحملهم مسؤولية المواطنين، الأمر الذى أثار غضب المحافظ، ورد عليه قائلا:" أنت راجل إعلامي كبير وقادر تتكفل بالناس دى، إنت إنسان بقى وليك دور فى المجتمع، ساعدهم إنت".
ورد الإعلامى وائل الإبراشى قائلا: "أنا هعمل كدا بس إنت متقعدش فى مكانك".
وهو ما أثار غضب محافظ الجيزة ورد على الإبراشى قائلا:" إنت بتقولي سيب منصبك بأى حق، إلزم حدودك فى الكلام، أنت اللى حطلك ميكرفون على صدرك ظلمنا كلنا".
وتابع المحافظ:" إنت بتاجر بالناس دى، ياريت تسبنا نتعامل معاهم، إحنا معندناش إمكانيات هى دى ميزانية المحافظة، إحنا محتاجين كل مليم عشان مرافق المدارس والمستشفيات، يعنى أما أدى 400 جنيه لكل أسرة شهريا يبقى أنا كدا عملت اللى عليا".
وأكد الإبراشي، أن المحافظ مسئول عن حل مشكلة هؤلاء السكان ويجب عليه إيجاد مسكن بديل لهم.
ثم وجه" الإبراشى" الحديث إلى المحافظ قائلا:" أنا أسالك إيه الحل تقولى اعمل إنت، ساعدهم أنت وإتكفل بيهم، يبقى المحافظة لزمتها إيه، إنت بتشتغل بفلوس الشعب، والميكروفون اللى مش عاجبك دا، هو اللى بيكشف فساد المسؤولين وتقصيرهم، وأوعدك إنى هعمل بنصيحتك وهاخد دروس فى العمل الإعلامي، وإنت كمان اتعلم إزاى تقوم بمهامك".
شاهد بالفيديو