مشادة كلامية بين الإبراشي ومحافظ الجيزة على الهواء

نشبت مشادة كلامية بين الإعلامي وائل الإبراشي مقدم برنامج "العاشرة مساء" والدكتور على عبد الرحمن محافظ الجيزة، حول انهيار عقار العمرانية وتشرد سكانه وافتراشهم الشوارع.
حيث اتهم الإبراشي، محافظ الجيزة والمسئولين بالإهمال وعدم تحملهم مسئولية المواطنين، الأمر الذي أثار غضب المحافظ، ورد عليه قائلا:" إنت راجل إعلامي كبير وقادر تتكفل بالناس دي، إنت إنسان بقى وليك دور في المجتمع، ساعدهم إنت".
ورد الإعلامي وائل الإبراشى قائلا: "أنا هعمل كدا بس إنت متقعدش في مكانك".
وهو ما أثار غضب محافظ الجيزة ورد على الإبراشى قائلا:" إنت بتقولي سيب منصبك بأي حق، إلزم حدودك في الكلام، إنت اللي حطلك ميكرفون على صدرك ظلمنا كلنا".
وتابع المحافظ:" إنت بتاجر بالناس دي، ياريت تسبنا نتعامل معاهم، إحنا معندناش إمكانيات هي دي ميزانية المحافظة، إحنا محتاجين كل مليم عشان مرافق المدارس والمستشفيات، يعني أما أدي 400 جنيه لكل أسرة شهريا يبقى أنا كدا عملت اللي عليا".
وأكد الإبراشي أن المحافظ مسئول عن حل مشكلة هؤلاء السكان ويجب عليه إيجاد مسكن بديل لهم.
ثم وجه" الإبراشى" الحديث إلى المحافظ قائلا:" أنا أسالك إيه الحل تقولي إعمل إنت، ساعدهم إنت وإتكفل بيهم، يبقى المحافظة لزمتها إيه، إنت بتشتغل بفلوس الشعب، والميكروفون اللي مش عاجبك دا، هو اللي بيكشف فساد المسئولين وتقصرهم، وأوعدك إني هعمل بنصيحتك وهاخد دروس في العمل الإعلامي، وإنت كمان اتعلم إزاي تقوم بمهامك".