مش باقي حاجة ف شنطتك

وطن بيحرق أكبادنا

انا خايف امشي ف سكتك
اهرب يا دوب من قسوتك
ضرب القنابل والرصاص
اهرب واروح المدرسة
حلمي اللي عايش برسمه
البس لباس الهندسة
هانت خلاص
بتلملمي حلمي الوحيد
على عود جريد
وف لحظة واحدة يختفي
ويموت ف حادثة ميكروباص
طب امتى اروح المدرسه
وازاي انا
امسك بايدي المنقله
وارسم زوايا
وف كل زاوية منحنى
مجروح هناك محروق هنا
وبقينا عنوان الحكاية
فين الزوايا
خيطي ليه المريلة؟!!
وحلمت ليه
انك تحل المسألة
حلمك غوايه
وحلمت ليه تمسك شهادة
واتريك بتكتب كل يوم
سطرين شهيد طالب شهادة
وبتتحرق علشان وطن
تحت البيادة
ولسه بيدور بداية!!!
رتبت ليه والموت ده
حصه ف جدولك
ما انا قلت لك
عمال ترتب في الكتب
والموت بيضحك في المراية!!!
وانت اللي عارف سكتك
هانت خلاص
في القبر كمّل ضحكتك
مش باقي حاجة ف شنطتك
غير الفهارس في الكتب
مكتوب رقم بعده .... (النهايه)
أتريك وطن!!!!
زي الوطن
مكتوب عليك طول الزمن
تغزل كفن
تتعلمه قبل أما تتعلم رماااايه
وادي الحكايه
__________
أبوخلاد هشام فتحي