صباحك عسل.. (بشائر منظومة الاستهبال!)

* فى إطار منظومة "الاستعباط".. وتسطيح و"تَهْطيل" العقل المصرى..أرى فى الأفق بوادر نشر ثقافة الخرافات والهوس بعوالم الجن والعفاريت والكرامات...إلخ..البداية فى برنامج ريهام سعيد المعروف عنه الفبركة وسيناريوهات الكذب والتمثيل على المشاهدين..فى قرية قالت إن الجن يحرقها،أجرت المذكورة لقاءات مع الأهالى وكان الهجص هو سيد الموقف.. ناهيك عن فجاجة السطحية والجهل المقزز..لم ينقص اللقاء سوى ذلك الحوار بين ريهام ومواطن من القرية:
ريهام"بنعومة وسهوكة ورخاوة من يتهيَّأ للنوم": بجد انت شُفت الجن اللى حرق القرية؟.
= المواطن: أيوه.
ريهام: تقدر توصفه؟.
= المواطن: هو كان ملثم ومش باين حاجة من وشُّه نهائياً..وله لحية اسود فى ابيض.
ريهام: بس بيتهيألى كان رافع إيده..مش كده؟
= المواطن : أيوه.. كان رافع إيده بإشارة رابعة!