سلمى صباحي: جنازة خالد صالح تشبه "ليلة القدر"

قالت سلمى صباحي، ابنة المرشح الرئاسي السابق حمدين صباحي، إن صلاة الجنازة على الفنان الراحل خالد صالح، وامتلاء المسجد كانت تشبه ليلة القدر، مضيفة "يارب نبقى ربعة، لما ربنا يختاره في اول ذي الحجه وده من احب الايام لله".
وأضافت سلمى، عبر حسابها على موقع "فيس بوك" "لما تلقى كل الناس برغم اختلافهم عن بعض متفقين على انه كان انسان بجد ..لما تكون صلاة الجنازه الفجر -حتى دي مميز فيها!- وتلقى الجامع مليان كأنها ليلة القدر وكل الناس دي نازلين من بيوتهم قبل الفجر عشان يصلوا عليه ويدعوله".

وتابعت"لما شيخ من اطهر وانقى الشيوخ يقف على قبره ويدعي ونأمن وراه.. لما تشوف مراته العظيمه وبنته الجميله وقوة ايمانهم..لما تشوف اهله و صحابه و اي حد عرفه ولو يوم بيبكو عليه بجد ..تطمن اوي وتتاكد انه في مكان جميل جدا جدا جدا".
واختتمت تدوينتها بالقول "ربنا رحمه من التعب والألم خصوصا انه ماكانش بيحب يبين لأي حد تعبه و كان بييجي على نفسه دايما عشان يفرح الناس ..هو ارتاح .. احنا اللي موجوعين ..يارب تلهم مراته وبنته وابنه واخواته وكل اهله وحبايبه وصحابه الصبر يارب".