قال الإعلامي عمرو أديب، إن نبرة صوت الرئيس عبدالفتاح السيسي في خطابه الذي وجهه للشعب المصري، الاثنين، كانت نتيجة صدمته من رد فعل الشارع المصري على رفع أسعار الوقود والكهرباء. وأضاف أديب، في برنامجه "القاهرة اليوم"، مساء الاثنين، أن "السيسي اليوم له وجه آخر، وجه الرئيس الحازم الذي يتحمل كافة قراراته ويتكلم ببساطة للشعب المصرى"، مشير إلى أنه يعمل على قدم وساق. وتابع "خطوة جيدة جدا من السيسي فى مخاطبة الشعب المصرى اليوم وهو يعلم غضب الشعب المصرى من القرارات التي صدرت". وقال الفتاح السيسي إن قرار تحريك الأسعار لمواجهة تخفيض الدعم قد لا يكون توقيته مناسبا، ولكنه قرار كان لابد من اتخاذه منذ وقت طويل ولكن لم يجرؤ أحد أو حكومة على اتخاذه. وأضاف السيسي، في كلمة ألقاها بمناسبة ذكرى حرب العاشر من رمضان بثها التليفزيون المصري ، "اتخذت هذا القرار لإنقاذ الوطن.. الخطر الكبير الذى تتعرض له البلاد هو السبب وراء القرارات الأخيرة". وتابع "أنا بعمل كل شئ عشانكم أنتم يا مصريين عشان بلدنا.. التوقيت مش دلوقتي في ظروف تانية لكن الخطر كبير قوي مينفعش أحط الحسابات الشعبية وماخدش القرار ده أومال أنتم استدعتوني ليه عشان مهمة وطنية عشان إنقاذ وطني". وقال "عندما تم عرض الموازنة علي من قبل الحكومة قلت مش هقدر أصدق عليها بالأرقام ديه 300 مليار جنيه حجم العجز"، مضيفا "معنى ده بكل بساطة أننا بندفع كل يوم 600 مليون جنيه فوائد للدين الحالي وبندفع أجور تقريبا نفس الرقم ده للعاملين في الحكومة وبندفع للدعم في حدود 400 مليون جنيه".
وقال للسيسي "يعني أحنا بنطلع من جيبنا كل ده.. طب أحنا بيجيلنا ايه عشان نسدد كل ده، الإنسان بيصرف على قد ما بيجيله مش أكتر من اللي بيجيله". وأضاف أن قرار رفع أسعار الوقود "جاء عشان يقلل على الغلبان، الحد الأدنى استفاد منه ملايين المصريين العاملين في الحكومة وفي القطاع الخاص .. فيه اجراءات اتعملت في وزارة التموين عشان تقلل حجم التأثير السلبي على الغلبان القادر معندوش مشكلة". وأكد السيسي أن رفع الدعم عن الطاقة جاء لتحقيق العدالة الاجتماعية، قائلا "صاحب الفيللا بيدعم من الدولة في الكهرباء ب4000 جنيه شهريا بينما صاحب الشقة بيدعم ب50 جنيه وده كله عشان النظام اللي موجود". وقال "مفيش شك أن فيه ناس بتستغل ده استغلال مش جيد، ان قلت مرة الشعب لم يجد من يرفق به ويحنو عليه .. وأنا بخاطب كل مصري خلي بالك أن مصر قامت وهتقوم بينا كلنا وغير كده هيكون مش لصالحنا كلنا"، مؤكدا "أحنا عاملين كده عشان ننجح".