الجهاز السحرى لعمل الكفتة

قال ايه هيعمله صباع كفته ويديه للعيان فى ساندوتش يتغذى عليه دا انتو ا اللى هتتعملوا كفتوا لو كنتم بتدوا للناس امل مزيف ،، واشمعنا فى 30 يونيو هيتم البدأ بتنفيذ هذا العلاج وتطبيقه على المرضى علشان لو السيسى كسب انتخابات الرئاسة يعنى ،طيب لو مكسبشى يبقى مفيش علاج ، هى السلطة دى بتستغبى
الناس ولا علشان فى كتير من الشعب المصرى غلبان وامى وعلى نيتهم فبيضحكوا عليهم .
هناك حقيقة علمية واحد يمكن ان أصدقها وهى ان الشعب المصرى الوحيد هو اللى بياكل التلوث (اتعجب من شعب يأكل التلوث ) ، ان الشعب المصرى الوحيد اللى بتقطع عنده الكهرباء رغم وجود السد العالى ووجود نهر النيل ووجود الغاز الطبيعى ، ان الشعب المصرى الوحيد اللى عنده نسبة جهل عالية رغم وجود العلماء المصريين داخل مصر وخارجها ، ان الشعب المصرى الوحيد هو اللى عنده اكبر نسبة مرضى بفيرس سى بسبب المياه الملوثة ومياه المجارى والصرف الصحى رغم وجود علماء مثل مجدى يعقوب وغيرهم وأخيرا الشعب المصرى الوحيد هو اللى حول الايدز لكفتة والشعب المصرى الوحيد اللى السلطة بتاعته بتضحك عليه .
اذا اردت ان تستغبى الشعب وتاخذ اصواتهم فى الانتخابات فأعطهم الامل المزيف واضحك عليهم ستنجح بكل تأكيد فهذا الشعب عاطفى وحساس ويتشبث باى قشة يمكن ان تنجده ، فان كثير من الشعب البائس يتمنى ان يكون خبر اختراع هذا الجهاز حقيقى فاكثر من 20% من الشعب المصرى يعانون من فيرس سى ولكن كيف تقنعنى ان هذا علاج لفيروس سى ومخترع الجهاز كان مقدم برنامج للعلاج بالاعشاب على إحدى القنوات والاختراع غير مبنى على اى اسس علمية وان كان مبنى على اسس علمية فلماذا لم تعرضوه على الأطباء والمختصين أم انكم تخشون ان تٌفضح كذبتكم ويكشفكم الشعب على حقيقتكم .
أما بالنسبة للإعلاميين المطبلاتية الذين يمشون وراء المصالح وأصحاب السلطة ويقومون بعمل تهويل اعلامى ضخم على اختراع قد يكون وهمى دون التأكد من حقيقة هذا الاختراع وبادلة علمية مقنعة اتمنى ان يحكموا عقلهم وضميرهم فيما يقولون وفيما يعرضون على المستقبلين من الشعب من معلومات واخبار وكفانا نفاقا لكل نظام ياتى فاليوم معك وغدا عليك ، ان لم تتغيروا ستكونون سببا فى سقوط هذه الدولة .
وأخيرا انا لا اشكك فى قدرة القوات المسلحة ولكن انا اشكك فيمن يريدون أن يكسبوا ود الشعب سياسيا ويريدون ان يلعبوا على مشاعر الناس بأمال واهمة واتمنى ان يكون هذا الاختراع حقيقة على أرض الواقع نقدمه للمرضى بالمجان .