بالصور.. شاهد سخرية "أبوحفيظة" من مؤيدي السيسي

سخر أكرم حسني مذيع نشرة "الخامسة والعشرين"، والشهير ب "سيد أبوحفيظة" من المؤيدين للسلطة الحالية، بعد أن غضوا الطرف عن الأخطاء التي تشهدها مصر منذ الإطاحة بالرئيس المعزول محمد مرسي، على الرغم من أنها كانت سببًا في توجيه الانتقادات للأخير والخروج للتظاهر ضده والإطاحة به في 30 يونيه.
وكتب "أبوحفيظة" وهي شخصية لاقت قبولاً في المجتمع المصري؛ كونه يعبر عن الشخصية المصرية الساخرة مجموعة تغريدات عبر حسابه على موقع "تويتر"، تناول فيها الوضع الحالي في مصر بالسخرية، مع استمرار أزمة انقطاع التيار الكهربائي، وعدم حل أزمة المرور.
وقال: "لو كنت نزلت ضد مرسى عشان النور بيقطع .. احب اقولك ان النور لسة بيقطع بس الجزمه اللى بقك واسعه شويه ومش عارف تنطق منها"!، وتابع "لو كنت نزلت ضد مرسى عشان ازمة المرور .. احب اقولك إن المشوار اللى كنت بتاخده فى عشر دقايق بتاخده فى ساعه ونص علشان الجيش قافل نص الشوارع" !
وأضاف "لو كنت نزلت ضد مرسى عشان الحرية .. فأديك شايف بنفسك الناس ماشيه فى الشارع تكاد تبكى من فرط الحريه اللى هما شايفينها"!، واستدرك "لو كنت نزلت ضد مرسى عشان تجريم الاختلاف واحتكار السلطة .. احب اقولك ان دلوقتي بقوا يقتلوا ويسجنوا أى حد يعترض" !
وواصل أبوحفيظة سخريته قائلاً: "لو كنت نزلت ضد مرسى عشان مصر بتشحت من قطر .. فاحب اقولك اننا بقينا نشحت من طوب الارض! ولو كنت نزلت ضد مرسى عشان سد النهضة .. فاحب اقولك ان السد ده طلع من مشروعات مصر القومية وإننا هنكسب منه اكتر من اثيوبيا ذاتنفسيها" !
وأردف: "أما لو كنت نزلت ضد مرسى عشان عبيط .. أحب أقولك إن الدوله والنظام الحالى إعتقل طالب علشان كان معاه مسطره مرسوم عليها شعار رابعه، ولو كنت نزلت ضد مرسى علشان تهميش دور الشباب .. فأحب اقولك إن السيسى كتر الف خيره بيحافظ على شباب الثوره فى المعتقلات" !
فيما انتقد الذين هاجموا مرسي لعدم القصاص للشهداء، بقوله: "ولو كنت نزلت ضد مرسى علشان مجابش حق الشهداء فأحب أقولك إن النهارده صدر حكم بإلغاء الاحكام الصادر على المتهمين فى قضيه بور سعيد! ولو كنت نزلت ترفض ممارسات الدخلية والاجهزة الامنية .. فدول بقي اللي بيحكمونا دلوقتي !
وختم: اما بقي لو كنت نزلت ضد مرسي علشان شكله مش عاجبك .. فدي بقي مقدرش الومك فيها .. اصل بصراحة السيسي وسيم وانا شخصيا اذوب فيه عشقاً"!