بالفيديو: مكي يؤدب عمرو أديب

وقعت مشادة حامية بين المستشار أحمد مكي - وزير العدل السابق - والإعلامي عمرو أديب , علي خلفية إستدعاء الاول من قبل النيابة للإدلاء بأقواله .
وتساءل أديب : "يعني انت مش هتروح يا سيادة المستشار؟" فقال له مكي : "وأنت مالك يا عمرو؟ ملكش دعوة .. انا هاخد دوري في إطار القانون .. والنائب العام المساعد كلمني وقولتله انا ليا ملاحظات علي أمر الضبط والاحضار" .. فعلق اديب متسائلا: هو ينفع يجيلك قرار ضبط وإحضار تقول رأيك فيه؟"
فقال مكي : ايوة طبعا .. ولو معجبنيش تيجي الشرطة تاخدني غصب عني " .. فقال له أديب: يعني انت عايز المشهد دة يحصل؟ .. فقاله له مكي : أيوة نفسي يحصل .
وأضاف مكي : انتول بتغلوشوا عليا والتعامل معايا بالطريقة دي مش كويس " فقال أديب : سيادة المستشار احنا مش النيابه هتهددنا عايز تقفل السكة اقفل السكة..احنا ما بنتهددش فى البرنامج لأن هذا العهد انتهى ولم تعد وزيرًا للعدل"، فرد عليه مكي :" أنا الآن أكبر ألف مرة مكوني وزير للعدل ورأسى فى السماء، المنصب لم يضيف إلى "
الفيديو: