مشكلتنا....

مشكلتنا مش رغيف...
ولاشقة ولا كيف..
كل دولا لحي تنفع.
إحنا موتى في بقايا كون سخيف.. مشكلتنا إنّا نشوف..
بسمة تايهة ع الشفايف...
أو ندوق طعم الحروف...
والصبية لما تتبصر ف عينها.
تتكسي بلون الكسوف..
مشكلتنا في الخضوع والخنوع إلاى إحنا فيه.
اللى بيصغر كبيرنا واللى بيكبر سفيه!!
مشكلتنا إن القريب صعب علينا..
مانشوفوش...لوح إزاز حاجب عنينا..
أو سكارى حزن يمكن.. يهرب الحلم ف إيدينا..
مشكلتنا ف الحكاية.. فى تاريخنا فى البداية.
علمونا إن وطنا فيه أملنا... مش نهاية..
لما بتبصر ولادي بلعن اليوم إلى جم..
كيف يلاقوا صدر حانى فى حوارى شاربة هم..
والحيطان اللى درتنا من عيون الريح زمان..
ليه ضعيفة !!!!!! حالفة ما تصون اللى كان..
مشكلتنا مش ف نوعية رغيف...مشكلتنا فى الأمان..
الشاعر فتحى المرسى