فيديو .. محمود سعد لمرتضي: "الكلام اللي بيني وبينك ميتقالش علي الهوا"

شن المحامي مرتضي منصور هجوما شرسا علي الاعلامي محمود سعد واصفا إياه بأنه مذيع غير حيادي .
وقال منصور : انت راجل غير محايد ولو تفتكر في لجنة طمس الحقايق التي شكلها الرئيس الذي لا يعنيني .. ولما قابلتك في اسكندرية قولتلي خلي 25 يناير يمر وهنتكلم .. وقاطعه الاعلامي محمود سعد قائلا: خلي الكلام دة بيني وبينك في التليفون دة ميتقالش علي الهواء .
وعلق منصور قائلا : مش مشكلة خلاص اذا كنت ممنوع من الكلام علي قناتك .. والتقط سعد خيط الحديث قائلا : مفيش داعي نحور الكلام .. لاني كلمت سيادتك في موضوع وانت كلمتني في موضوع واحنا الاتنين مقتنعين بيه وكنا هنتقابل بعد اعياد الثورة ونتكلم فيه .. والمفروض دة يبقي بيني وبينك مش علي الملأ كدة .
وقال منصور : ما هي صفة احمد راغب ليتكلم عن موقعة الجمل ؟ هذا المحامي الفاشل لا مدعي بالحق المدني ولا محامي مصابين ولا محامي شهداء .. دة راجل داخل يتمنظر .
وعلق سعد قائلا: دة الخلاف اللي بيني وبينك انك قاعد تشتم في الراجل علي الهوا ودة ميصحش لانه مش موجود ولكن عايز تقول رأيك قوله من غير ما تغلط في حد.
وانفعل مرتضي قائلا : ليه انتوا مش مطلعيني قاتل؟ مش انا متهم في القضية دي ولا ايه؟ وبعدين انت هتعلمني اتكلم ازاي اتكلم؟ .. وقاطعه سعد قائلا : لالالا يا استاذ مرتضي بلاش الطريقة دي معايا .
لمشاهدة الفيديو :