فيديو.. تراشق بين "دومة" ومتحدث الإخوان على الهواء

تداول نشطاء على مواقع التواصل الاجتماعي فيديو يجمع بين أحمد دومة وياسر محرز المتحدث باسم الإخوان.
وبدأ الفيديو بمساجلة هاتفية بين "محرز" و"دومة" فى برنامج "هنا العاصمة" الذى تقدمه لميس الحديدى.. حيث قال: هؤلاء الشباب جاءوا إلى المقر وقاموا برسم رسومات بذيئة.. وقاطعته الحديدي: المشهد قدامي أحمد دومة غرقان في دمه.. فقال محرز: أنا بسأل حضرتك سؤال واضح.. إيه اللي خلي الناس دي تروح ترسم رسومات بذيئة وتسب وتشتم عند المقر بتاعنا .. فقالت الحديدي: هما ناس معارضين ليكم دول بيرسموا جرافيتي ... فعلق محرز قائلا: جرافيتي إيه يا فندم؟ اللي اتكتب أشياء تقشعر لها الأبدان .. انتِ إنسانة محترمة وإعلامية محترمة وأخجل أقول لحضرتك اللي كان بيتقال .. أنا عمري ما شوفت حد من الثوار بيوصل لهذه الدرجة من السباب التي تقشعر لها الأبدان.
ودخل أحمد دومة على الخط وقال: كلنا عارفين إن لو الإخوان عندهم صورة لحرف مسىء كتبناه كان زمانهم دلوقتى مخترقين كل القنوات وذايعينه على الناس، وبالتالي كلامهم في هذه النقطة محض كذب وافتراء.. ثانيًا الناس كانت بترسم جرافيتي في الشارع مش على الحيطان زي ما هما بيقولوا .. لأننا كنا بنرسم على الأسفلت بمسافة تبعد عن مكتب الإرشاد 100 متر .
وأضاف دومة: حتى لو كان ما كتبه مخالفونهم مسىء فمينفعش أي "كلب" يضرب وحدة بالطريقة دي .. وقاطعه متحدث الإخوان: انت أخلاقك منقحتش عليك ولا دينك لما كتبت الكلام البذىء.. ورد دومة: انتوا معندكمش أخلاق ولا دين أصلا.. فقالت لميس الحديدي: احنا هنسمع أحمد دومة بعدين هندّي فرصة للأستاذ ياسر يرد .
وقال متحدث الإخوان محتجًا: لما تسمحي لشخص يشتم شخصًا على الهواء فأنا مضطر أنسحب من هذه الحلقة.. وشكرًا لحضرتك .. وعلق دومة: مع ألف سلامة آنست وشرفت الشوية دول لأنك معندكش حاجة تقولها .. لو عندك كنت هتقعد تعلى صوتك وتقول بس انت معندكش حاجة تقولها، بحسب قوله.
شاهد الفيديو